Janarmai quiylǵan avtotsisternadaǵy órt tolyq sóndirildi. Tótenshe jaǵdai qyzmetkerleri jarylystyń aldyn aldy, dep habarlaidy QazAqparat.
«Eske salaiyq, búgin keshki saǵat 20:10 shamasynda TJD qyzmetkerleri «Jetisý aýdany, Angarskaia kóshesi, 97 A» mekenjaiyna bardy. Segiz minýtta oqiǵa ornyna kelgen olar janarmai quiylǵan avtotsisternanyń janyp jatqanyn anyqtady. Órt eki temirjol tsisternasyna tarap úlgergen. Jeke quram arnaiy qaýipsizdik sharalaryn saqtai otyryp jumys istedi. Qabyldanǵan jedel sharalardyń arqasynda órt 21:20 minýtta oqshaýlanyp, 21:51-de tolyq joiyldy» - dep habarlady departamenttiń baspasóz qyzmeti.
Órtti sóndirýge 28 tehnika men jeke quramnyń 80 adamy jumyldyryldy. Qyzyl jalyn 80 sharshy metr aýmaqty sharpydy.
«Órt sóndirýshiler ómirine qaýip tónse de, janar-jaǵarmaiy bar 10 rezervýarǵa, iaǵni (150 tonnalyq - 4, 80 tonnalyq - 5, 50 tonnalyq - 1) órttiń taralýyna jol bermedi. Sondai-aq jaqyn mańdaǵy ónerkásiptik aimaqty qorǵap qaldy», - dep atap ótti vedomstvodan.
