جانارماي قۇيىلعان اۆتوتسيستەرناداعى ٶرت تولىق سٶندٸرٸلدٸ. تٶتەنشە جاعداي قىزمەتكەرلەرٸ جارىلىستىڭ الدىن الدى, دەپ حابارلايدى قازاقپارات.
«ەسكە سالايىق, بٷگٸن كەشكٸ ساعات 20:10 شاماسىندا تجد قىزمەتكەرلەرٸ «جەتٸسۋ اۋدانى, انگارسكايا كٶشەسٸ, 97 ا» مەكەنجايىنا باردى. سەگٸز مينۋتتا وقيعا ورنىنا كەلگەن ولار جانارماي قۇيىلعان اۆتوتسيستەرنانىڭ جانىپ جاتقانىن انىقتادى. ٶرت ەكٸ تەمٸرجول تسيستەرناسىنا تاراپ ٷلگەرگەن. جەكە قۇرام ارنايى قاۋٸپسٸزدٸك شارالارىن ساقتاي وتىرىپ جۇمىس ٸستەدٸ. قابىلدانعان جەدەل شارالاردىڭ ارقاسىندا ٶرت 21:20 مينۋتتا وقشاۋلانىپ, 21:51-دە تولىق جويىلدى» - دەپ حابارلادى دەپارتامەنتتٸڭ باسپاسٶز قىزمەتٸ.
ٶرتتٸ سٶندٸرۋگە 28 تەحنيكا مەن جەكە قۇرامنىڭ 80 ادامى جۇمىلدىرىلدى. قىزىل جالىن 80 شارشى مەتر اۋماقتى شارپىدى.
«ٶرت سٶندٸرۋشٸلەر ٶمٸرٸنە قاۋٸپ تٶنسە دە, جانار-جاعارمايى بار 10 رەزەرۆۋارعا, ياعني (150 توننالىق - 4, 80 توننالىق - 5, 50 توننالىق - 1) ٶرتتٸڭ تارالۋىنا جول بەرمەدٸ. سونداي-اق جاقىن ماڭداعى ٶنەركەسٸپتٸك ايماقتى قورعاپ قالدى», - دەپ اتاپ ٶتتٸ ۆەدومستۆودان.
