Almaty ákimi Baqytjan Saǵyntaevtyń tapsyrmasymen koronavirýs infektsiiasynyń taralýyna jol bermeý jónindegi komissiia qaladaǵy epidemiologiialyq jaǵdaidy turaqtandyrý boiynsha qosymsha sharalar qabyldady, dep habarlaidy qalalyq ákimdik.
Almatyda qosymsha karantin sharalary 27 maýsym saǵat 00.00-den bastap 29 maýsym caǵat 00.00-ge deiin kúshine enedi.
Qabyldanǵan sheshimge sáikes bul kezeńde koronavirýs infektsiiasynyń taralý qaýpi joǵary obektilerdiń qyzmeti toqtatylady:
Atap aitqanda, iri saýda jelileri (azyq túlik, azyq túlik satpaityn), úidegi dúkender túrindegi filialdaryn qospaǵanda jabyq bazarlar (azyq-túliktik, azyq-túliktik satpaityn, ámbebap), saýda-oiyn-saýyq ortalyqtary, saýda ortalyqtary, saýda úileri;
qoǵamdyq tamaqtaný nysandary (ashyq aýadaǵy nysandardy qospaǵanda), fitnes-ortalyqtar jabyq bolady.
Bazarlar óz qyzmetin 2020 jyldyń 29 maýsymynda qaita jalǵastyra alady.
Qoǵamdyq kólikter de osy demalysta óz qyzmetin toqtatady.
Atap ótetin jait, joǵaryda atalǵan nysandarda sanitarlyq-profilaktikalyq jáne sanitarlyq-epidemiologiialyq sharalar júrgiziledi.
«Qosymsha shekteý sharalaryna bailanysty azamattarǵa qala boiynsha qozǵalysty shekteýdi eskertemiz. Qaýip tobyna kiretin adamdarǵa, ásirese egde adamdarǵa úide qalý kerek.
Epidemiiaǵa qarsy sharalardy buzǵany úshin jeke jaýapkershilikke tartý qarastyrylǵan. Politsiia qyzmetkerleri tarapynan adamdar kóp jinalatyn oryndarda engizilgen shekteýlerdi saqtaý boiynsha patrýl kúsheitiledi.
Suraqtar týyndaǵan jaǵdaida azamattar 1308 nómiri boiynsha Open Almaty qoǵamdyq qabyldaýyna júgine alady» delingen ákimdik taratqan aqparatta.
