Almatyda 2021 jyly birneshe ortalyq kóshe jaiaý júrginshilerge yńǵaily bola túsedi, dep habarlaidy "Ult aqparat".
Qalalyq Josparlaý jáne ýrbanistika basqarmasynyń habarlaýynsha, Almatyda bas josparǵa sáikes 2021 jyly tómendegidei ortalyq kósheler jaiaý júrginshilerge arnalyp qaita jasalady.
- Dostyq dańǵyly (ál-Farabi dańǵylynan Abai kóshesine deiin);
- Seifýllin dańǵyly (Abai dańǵylynan Raiymbek kóshesine deiin);
- Raiymbek dańǵyly (Seifýllin dańǵylynan Pýshkin kóshesine deiin);
- Músirepov býlvary (Sátbaev kóshesinen Abai dańǵylyna deiin).
«Almaty – shetsiz qala» tujyrymdamasy boiynsha qazirgi tańda Alataý aýdanynda myna kóshelerde jaiaý júrgin aimaǵy jasalady:
- Úlken Almaty kanaly boiymen (Sain kóshesinen Soltústik ainalma joly kóshesine deiin);
- Rysqulov kóshesinde (Ońǵarsynova kóshesinen Sháripov kóshesine deiin).
Naýryzbai aýdanynda:
- Sábdenov kóshesi (Áshimov pen Nurly kósheleriniń aralyǵy;
- Baizaq batyr kóshesi (Áshimov kóshesi men Qaraǵaily ózeniniń aralyǵy).
«Halyq únine qulaq asatyn úkimet» tujyrymdamasyna sáikes qalalyq basqarma «Almaty bas jospary» ǴZI birige otyryp qalanyń ortalyq kóshelerin qaita jasaý boiynsha qoǵamdyq talqylaý ótkizetin bolady.
Q-Lab qalalyq jobalar zerthanalyq negizinde daýys berý men usynys jasaý úshin quraldar jasalatyn bolady.
Ár almatylyq osyǵan qatysty óz oi-pikirin bildiretin bolady.
Aita keterligi, bul kóshelerde kólikterdiń júrýine tyiym salynbaidy. Tek qozǵalys júiesi jaiaý júrginshiler úshin yńǵaily bolyp jasalady.
