Almatyda kornovirýs juqtyrǵandardyń sany 1140 – qa jetti. Bul týraly qalalyq Qoǵamdyq densaýlyq saqtaý basqarmasy málim etti, dep habarlaidy "Ult aqparat".
«30 sáýir kúni - 114, búgin 89 jaǵdai tirkeldi. Olardyń 16 - sy provizorlyq statsionardaǵy adamdarmen bailanysta bolǵandar, 4-ýi Máskeý-Aqtóbe-Almaty reisimen ushyp kelgender, olar birden statsionardaǵy karantinge jatqylǵan bolatyn. Qalǵandary testileý nátijesi arqyly anyqtaldy. Olarmen bailanysta bolǵan barlyq adamdar tabyldy jáne provizorlyq gospitaldarǵa karantinge ornalastyryldy» – dep habarlady Densaýlyq saqtaý basqarmasy.
Basqarmanyń málimetinshe, infektsiialyq statsionarlarda 1015 adam em qabyldap jatyr, onyń 39-y bala.
Eki adamnyń densaýlyq jaǵdai óte aýyr, 27 adamdyki - aýyr, 208 adamda ortasha dárejede, qalǵandarynyń densaýlyǵy qanaǵattanarlyq.
Provizorlyq gospitaldarda - 395 adam, karantindik oqshaýlaýda –366, úide –11846 adam bar.
«Ótken táýlikterde Almatyda 15 naýqas koronavirýstyq infektsiiadan saýyǵyp, úilerine shyǵaryldy. Onyń ishinde Ortalyq qalalyq klinikalyq aýrýhananyń 10 meditsina qyzmetkeri, tórteýi Balalar klinikalyq juqpaly aýrýlar aýrýhanasynyń qyzmetkerleri jáne bir áiel virýs buryn anyqtalǵan naýqaspen bailanysta bolǵan 1964 jyly týǵan patsient. Ol 2 sáýirden bastap emdeýde bolǵan. Qalǵan patsientterdi emdeý sharasy orta eseppen 16-18 kúnge sozyldy», - dep tolyqtyrdy basqarmadan.
