Foto: Polisia.kz
Almaty politsiiasy Ońtústik Koreiadan ákelingen kólikterdi zańsyz tirkeýdiń jolyn kesti, - dep habarlaidy "Ult aqparat" Polisia.kz saityna silteme jasap.
Uiymdasqan qylmysqa qarsy kúres basqarmasynyń málimetinshe, bul tizbekte "Azamattarǵa arnalǵan úkimet" AQ-ǵa qarasty mamandandyrylǵan halyqqa qyzmet kórsetý ortalyǵynyń qyzmetkerleri, sondai-aq Ońtústik Koreiadan kólik alyp kelýdi jolǵa qoiǵan K. esimdi azamat kúdikti dep tanylǵan.
"K. esimdi azamat mamandandyrylǵan halyqqa qyzmet kórsetý ortalyǵynyń qyzmetkerlerimen qylmystyq kelisimge kelip, Qazaqstan Respýblikasynyń aýmaǵynda kólik quraldaryn tirkeýge negiz bolatyn qujattarǵa jalǵan málimet engizgeni belgili boldy. Osy zańsyz áreketteriniń nátijesinde kúdikti bastapqy memlekettik tirkeý úshin belgilengen alymdar, iaǵni 340 million teńgeden asa sommany tóleýden jaltarǵan. Tergeýdiń osy kezeńinde 250 kóliktiń osyndai qylmystyq tizbekpen alyp kelinip, tirkelgeni anyqtaldy", – dedi Almaty qalalyq PD uiymdasqan qylmysqa qarsy kúres basqarmasynyń bastyǵy Janat Nurǵaliev.
