Karantin kezinde almatylyqtar mádeni sharalardyń onlain kórsetilimin tamashalap qana qoimai, sonymen qatar tegin shyǵarmashylyq úiirmelerge qatysa alady. Qalalyq mádeniet basqarmasy onlain mádeni is-sharalardyń afishasyn jariialady, dep habarlaidy "Ult aqparat".
Nazarlaryńyzǵa Almaty qalasy mádeni-shyǵarmashylyq onlain-is-sharalarynyń afishasyn usynamyz.
Almaty Creative Youtube arnasynda kórkem qimyl mektebiniń 2020 #stayhome aiasynda zamanaýi óner boiynsha dárister qoljetimdi. Qazaqstan men álemniń zamanaýi óneriniń tarihy týraly bile alasyz, sýretshilermen tanysyp, art-menedjment jáne sýretshilerdiń jumysyndaǵy quqyqtyq aspektiler boiynsha kýrsty tyńdaýǵa múmkindik bar. Qazirgi ýaqytta mektep bazasynda stýdentterdiń virtýaldy kórmesi daiyndalýda.
Sondai-aq, Almaty Creative Youtube kanalynda «Mádeni mura arqyly tulǵanyń damýy» kýrsy boiynsha dárister qoljetimdi. Kýrs mádeni-bilim berý baǵytyndaǵy bastaýysh synyp oqýshylaryna baǵyttalǵan jáne shyǵarmashylyq pen zamanaýi oqytýdyń kreativti tehnologiialaryn biriktiredi.
Aptasyna birneshe ret zamanaýi qazaqstandyq mádeniet pen kreativti ekonomika týraly «Jasyl bazar» iýtýb-shoý shyǵady. Jýrnalist Mádi Mámbetov pen filosof Olia Veselova qyzyqty jáne ózekti: bolashaq teatrlar men kinodan bastap fake news jáne ýrbanistikaǵa deiingi taqyryptardy qozǵaidy. Jańa shyǵarylym týraly aqparatty Almaty Creative Youtube arnasynan jáne @almaty.creative Instagram-paraqshasynan kóre alasyzdar.
Ár apta saiyn Q Space shyǵarmashylyq stýdiiasy uiymdastyrǵan tikelei efirde ótetin sabaqtar balalar men olardyń ata-analaryna úiden shyqpai-aq ózderin sýretshi sezinýge múmkindik beredi. Sabaqtar qazaq jáne orys tilderinde ótedi. Transliatsiiadan keiin jazba Almaty Creative arnasynda saqtalady. Shyǵarmashylyq master-klasstar aiasynda sizder ýaqytty paidaly ótkizip qana qoimai, sonymen qatar óz oi-órisińizdi keńeitýge jáne júlde utysyna qatysa alasyz. Habarlamalar men tolyq aqparatty @almaty.creative paraqshasynan bile alasyzdar.
Altynshy sáýirden bastap @almaty.creative Instagram-paraqshasynyń tikelei efirinde kúndelikti onlain mýzyka kýrstary – Diana Sharapovamen vokal, gitara, fortepiano jáne dombyrada oinap ýirený kýrstary ótýde. Fortepiano jáne gitaradan kýrstar 26 sáýirde aiaqtaldy, biraq sabaqtardyń beinejazbalary bizdiń Almaty Creative Youtube arnasynda qoljetimdi bolady. Dombyrada oinap úirený kýrsy 2 mamyrǵa deiin kún saiyn 12.30-da bolady, efir 24 saǵat saqtalady. Diana Sharapovamen vokal sabaǵy 28 sáýirde aiaqtalady, al beinejazbalar bizdiń Almaty Creative Youtube kanalyna júkteledi.
Aita keteiik, 15 sáýir kúni alǵashqy qazaqstandyq «K-Media» Record» leiblinen «Úidegi talanttar» atty qalalyq mýzykalyq onlain baiqaýy bastaldy. Eger siz mýzykant bolsańyz, aspapta oinai alsańyz, óz shyǵarmashylyǵyńyzdy kópshilikke usynýǵa tamasha múmkindik bar. Baiqaý 4 mamyrǵa deiin jalǵasady, jeńimpazdar «K-Media» Record» prodiýserlik ortalyǵynan kásibi dybys jazýǵa arnalǵan sertifikat alady. Baiqaý nátijesi 6 mamyrda belgili bolady.
Jaqyn arada akterlik sheberlik, sheshendik óner jáne sýret salý boiynsha onlain sabaqtar qoljetimdi bolady. Bul kýrstyń ereksheligi - joba nátijesin múmkindikteri shekteýli balalarǵa qoldaný. Sabaqtyń basty mindetteri - kez kelgen jastaǵy balalardyń shyǵarmashylyq áleýetin damytý; oqýshylardyń keń aýqymyn shyǵarmashylyq qyzmetiniń sheksiz múmkindikterimen tanystyrý; kommýnikativtik daǵdylardy, sheshendik sheberlikti jáne balalar men jasóspirimderdiń kóshbasshylyǵyn damytý. Anonsty @almaty.creative paraqshasynan kóre alasyzdar.
Sonymen qatar, taiaý kúnderi barlyq jastaǵy turǵyndar úshin «Defile jáne Fotopozing» onlain sabaǵy bastalady. Bul kýrstarda siz ádemi jáne kásibi qozǵalý, arqańyzdy tik ustaýdy, deneńizdi jáne bet mimikasyn meńgerýdi úirenesiz. Ańdatpa jáne tolyq aqparat @almaty.creative paraqshasynda.
Eger siz áleýmettik jelini durys paidalanýdy, durys jáne sapaly kontent jasaýdy, video túsirip, montaj jasaýdy úirengińiz kelse, onda «Bloging» onlain sabaǵy - siz úshin. Sabaqqa barlyq niet bildirgen áleýmettik jeli paidalanýshylary qatysa alady. Kýrstyń bastalýy týraly habarlamalar men tolyq aqparat @almaty.creative paraqshasynda.
Bi bileýdi úirengińiz kelse, onda bizdiń onlain bi sabaǵyna tegin qatysyńyz. Kýrsta siz bi baǵytymen tanysasyz, mýzykanyń yrǵaǵyn sezinip, bi shoty men qozǵalysty ornalastyrýdy, bi baǵytynyń bazalyq negizderin úirenesiz.
Balalarmen birge qýyrshaq teatryna barǵyńyz keledi, biraq múmkindigińiz joq pa? Memlekettik qýyrshaq teatry siz úshin arnaiy onlain kórsetilimder uiymdastyrdy.
Ár demalys kúnderi teatr repertýarynan (Memlekettik qýyrshaq teatrlary) teatrdyń resmi YouTube arnasynda saǵat 12:30-da orys jáne qazaq tilderinde spektaklderdiń onlain kórsetilimi ótedi.
Kishkentai kórermenderge arnalǵan «Qaiyrly tún, balaqai!» aidary aiasynda qazaq ulttyq jáne shetel ertegilerin teatr ártisteri Instagram (@kuyrshak_teatry jáne Facebook jelilerinde onlain oqidy.
Teatrdyń resmi Instagram paraqshasynda (@kuyrshak_teatry) jetekshi rejisserlermen, sýretshilermen, teatr mamandarymen, dramatýrgtermen jáne ártistermen tikelei efir jáne onlain áńgime ótedi.
Teatrdyń jetekshi ártisteri Instagram (@kuyrshak_teatry) jáne Facebook (Qýyrshaq Qýyrshaq) paraqshalarynda qýyrshaq júrgizý boiynsha kúndelikti sabaqtary men sheber-synyptaryn ótkizedi.
Instagram @kuyrshak_teatry paraqshasynda «Syn taldaý» aidary aiasynda teatr synshylary men teatr jetekshileri teatr repertýaryndaǵy spektaklderdi onlain taldap, tikelei efir ótkizedi.
Teatrdyń resmi paraqshalarynda kún saiyn «Qoinaýy qazynaǵa toly qýyrshaq teatry» aidary aiasynda biyl 85 jyl tolatyn teatr tarihymen jáne repertýarymen kórermenderdi tanystyrý ótedi.
Almaty qalasy murajailarynyń birlestigi óz kelýshilerine kelesi virtýaldy ekskýrsiialar daiyndady:
29 sáýir - áigili kompozitor, akademik, dirijer Ahmet Qýanuly Jubanovtyń týǵan kúnine orai ótetin «Halyq murasynyń janashyry – Ahmet Jubanov» atty virtýaldy taqyryptyq ekskýrsiiada ózi qoldanǵan dombyrasy kórsetilip, sol dombyrada Ásel Alinanyń oryndaýyndaǵy kompozitordyń bir shyǵarmasy halyq nazaryna usynylmaq.
Sondai-aq, 29 sáýir kúni mýltimedialyq dástúrli mýzyka ortalyǵynda @Multimedia_center «Dombyrada oinai bilesiń be?» atty onlai sheberlik sabaq ótedi. Onlain sheberlik sabaqty ortalyqtyń mýzykant-ekskýrsovody, halyqaralyq konkýrstardyń laýreaty, mýltiaspapshy Aslan Gýmarov dombyra tartýdyń túrli ádis-tásilderin kórsetedi. Sondai-aq, qazaqtyń tanymal kúileri oryndaidy. Ortalyqtyń Instagram jáne Facebook paraqshalarynan tamashalai alasyzdar.
30 sáýir S. Muqanov jáne Ǵ. Músirepovtiń ádebi-memorialdyq mýzei kesheniniń (@muzey_s.g.m) ekskýrsovody Ábdiqul N. shopan Dúnenbai S. Muqanovqa syiǵa tartqan aiýdyń terisi týraly «Bóstek» atty taqyryptyq ekskýrsiiasyn usynady.
Osy kúni N.Tilendievtiń memorialdy mýzeiiniń paraqshasynda (@tlendiyev_museum) «Kúi shejire» aidaryna «Ata tolǵaýy» kúiiniń tarihyna bailanysty virtýaldy taqyryptyq ekskýrsiia ótedi. Kúishi «Ata tolǵaýy» kúiin arnaǵan tulǵa týraly aqparat pen onyń «Otyrar sazy» orkestrinde alar orny, mýzei qyzmetkeri Erkin Qudaibergenniń oryndaýynda «Ata tolǵaýy» kúii usynylady.
Almaty qalasynyń ortalyq kitaphana júiesi onlain rejiminde birqatar is-sharalar uiymdastyrdy.
Apta saiyn 8 onlain-úiirme jumys isteidi: «Fizika jáne matematika» (juma), «Shahmat akademiiasy» (sársenbi, juma), «Bisermen toqý» (seisenbi), «Qaǵaz úlgileý» (dúisenbi), «Men ózim! Oqimyz, oqimyz, oinaimyz» (sársenbi), «Ertegi terapiiasy» (seisenbi), «Akterlik sheberlik» (sársenbi), dombyradaǵy oiyndar (dúisenbi, beisenbi). Olar @zhambyl_kitapkhana, @begalinka.library, @library.almaty Instagram-paraqshalarynda, sondai-aq Almaty Creative youtube arnasynda qoljetimdi.
Aptasyna eki ret qazaq jáne orys tilderinde kitap kórmelerine onlain sholý júrgiziledi.
Aptasyna birneshe ret @zhambyl_kitapkhana, @begalinka, @library.almaty paraqshalarynda onlain-treningter men onlain-kezdesýler ótkiziledi.
Eger siz tsirkti jaqsy kórseńiz, karantin sizge kedergi bolmaidy. Úiretilgen janýarlardyń, tsirk ártisteriniń daiyndyǵyn (akrobatika, ekvilibristika, jonglerleý), horeografiia men grim boiynsha sabaqtaryn, úiretilgen janýarlardy tamaqtandyrý jáne kútim jasaý sátterin Qazaq memlekettik tsirkiniń Instagram, Facebook, Youtube jelisindegi paraqshalarynan onlain kóre alasyz.
Karantin kezeńinde haiýanattar baǵynyń pavilondary men alleialary bos tur. Biraq bul haiýanattar baǵy jumys istemeidi degen sóz emes. Óitkeni bizde kúndelikti qamqorlyqty qajet etetin tiri «eksponattar» bar. Endi haiýanattar baǵyna onlain rejimde baryp, bizdiń qyzmetkerler júrgizetin ekskýrsiialardy kórýge bolady. Biz buǵan deiin pil, múiiztumsyq, sýrikat, jylandar týraly qyzyqty beineekskýrsiialar kórsetkenbiz. Aldaǵy ýaqytta aqqoldy gibbon, úlkenkózdi skat, úndi kobrasy jáne basqa da ań-qustar men balyqtar týraly qyzyqty beineekskýrsiialarymyzdy Almaty haiýanattar baǵynyń Instagram, Facebook, Youtube paraqshalarynda onlain túrde usynatyn bolamyz.
Sondai-aq, «Alataý» dástúrli óner teatry qazaq halqynyń ulttyq ónerine arnalǵan onlain dáris-kontsertterdi kúndelikti Instagram (@alatau.theater) paraqshasynda tikelei efirde ótkizedi. Respýblika saraiynyń ártisteriniń erekshe oryndaýdaǵy ónerin tamashalaǵynyń kelse @dvorec_resbupliki paraqshasynan kóre alasyzdar.
