Almatylyq dárigerler onkologiialyq naýqasqa biregei operatsiia jasap, onyń ómirin saqtap qaldy.
Qoǵamdyq densaýlyq saqtaý basqarmasynyń habarlaýynsha, Almatynyń onkologiia ortalyǵyna «Jappai zaqymdanǵan óńesh qaterli isigi» diagnozymen 50 jastaǵy er adam kelip tústi. Boiy – 177 sm, salmaǵy – 43 keli normaǵa sáikes kelmeitin patsienttiń jai-kúii – óte qiyn boldy.
Naýqasty tekserip qaraǵannan keiin, Nurlan Baltaevtyń basshylyq etýimen onkologiialyq ortalyqtyń dárigerleri kópkezeńdik operatsiia jasaý týraly sheshim qabyldady. Sebebi patsienttiń jai-kúii tolyq saýyqtyratyn bir mezgildik operatsiia jasaýǵa kelmeitin.
Alǵashqy operatsiia jasaý kezinde óńeshtiń totaldy rezektsiiasymen qorektik tútiksheni ornatýmen jáne óńeshtiń moinyndaǵy óskinderin shyǵara otyryp asqazandy jumyldyrý júrgizildi. Otadan keiin, patsient tútikshe arqyly tamaqtandy.
«Belgili bir ýaqyttan keiin ekinshi operatsiia jasaldy, onyń barysynda dárigerler toq ishektiń kesindisinen óńesh ornyn qalyptastyrý arqyly tamaqtanýdyń ótkizgishtigin qalpyna keltirdi», - deidi hirýrgiia bóliminiń meńgerýshisi Nurlan Baltaev.
Onyń aitýynsha, joiylǵan óńesh toq ishektiń kesindisine aýystyryldy. Iaǵni, ekinshi operatsiia qaita qurý-qalpyna keltirý boldy. Osylaisha, patsienttiń tabiǵi jolmen tamaqtanýy qalpyna keltirildi.
Júrgizilgen birneshe kúrdeli operatsiiadan keiin patsienttiń densaýlyǵy jaqsardy. Qazir onyń salmaǵy 55 keli.
Operatsiia sátti ótkendikten, himiialyq terapiia qajet emes. Patsient úiine shyǵaryldy.
