Qazaqstan onkologiia jáne radiologiia ǵylymi-zertteý institýtynyń 14 patsienti men tórt qyzmetkerinen koronavirýs anyqtaldy. Bul týraly Almaty qalasy Sanitarlyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda aitty, dep habarlaidy "Ult aqparat".
«Búgingi kúni Qazaq onkologiia jáne radiologiia ǵylymi-zertteý institýtynda naýqastar arasynda koronavirýs infektsiiasynyń 14 jáne qyzmetkerler arasynda PTR testi oń kórsetken tórt jaǵdai tirkeldi. Qazirgi ýaqytta aýmaqtyq sanitarlyq-epidemiologiialyq baqylaý departamentimen jospardan tys tekserý júrgizilip, aldyn alý sharalary qabyldandy», - deidi Ásel Qalyqova
Onyń aitýynsha, koronavirýs anyqtalǵan naýqastar qaladaǵy juqpaly aýrýlar aýrýhanalaryna aýystyryldy.
«Koronavirýs anyqtalǵan Onkologiialyq ortalyqtyń bólimi jabyldy. Iaǵni, osy mekemege meditsinalyq kómek kórsetý úshin naýqastardy josparly qabyldaý toqtatyldy. Jaǵdai baqylaýda jáne jospardan tys tekserý jalǵasýda», - dedi spiker.
Sonymen qatar, ol meditsinalyq mekemeniń mártebesi respýblikalyq ekenin atap ótti.
«Onda Qazaqstanyń barlyq aimaǵynan keledi. Meditsinalyq mekemege qabyldanǵandardyń barlyǵynda PTR testi nátijesi boldy, qazir testilerdiń qoljetimdiligi tekserilip jatyr. Iaǵni PTR testi shynymen ótken, ótpegeni anyqtalady. Bul mekemede sanitarlyq-epidemiologiialyq rejimniń qandai buzýshylyqtary bar, tekserý nátijieleri kórsetedi», - dedi Ásel Qalyqova.
