Almatyda koronavirýstyń «omikron» shtamyna bailanysty lokdaýn engizile me? Bul suraqqa brifing barysynda Almatynyń bas sanitar dárigeri Jandarbek Bekshin jaýap berdi, dep habarlaidy QazAqparat.
«Almatyda «omikron» shtamy tirkelgen joq. Sondyqtan bul másele ázirge talqylanbaidy. Almatyda qazir lokdaýn engizýge eshqandai sebep joq. Sebebi, qala «jasyl» aimaqta. Aýrýshańdyq kóp tirkelip, qalamyz «qoiý qyzyl» aimaqqa ótse ǵana bul másele talqylanatyn bolady», – dep jaýap berdi Jandarbek Bekshin.
Almaty qalalyq Qoǵamdyq densaýlyq saqtaý basqarmasynyń málimetinshe, qalada 9 jeltoqsan kúni 55 adamnan virýs anyqtaldy.
Aýrýhanada barlyǵy 225 adam, onyń ishinde (tórt bala) emdelip jatyr.
Qalada epidemiologiialyq jaǵdai turaqty.
