Almatyda 30 jastaǵy er adam nesie tarihy nashar azamattardy aldady, dep habarlaidy "Ult aqparat".
Almaty qalalyq politsiia departamentiniń málimetinshe, Qazaqstan Respýblikasynyń búkil aýmaǵynda onnan astam jábirlenýshi alaiaqtyq týraly aryzben politsiiaǵa júgindi.
Tártip saqshylarynyń aqparatyna sáikes, A. esimdi jigit nesie tarihy nashar adamdarǵa bul máseleni «sheship berýdi» usynǵan.
Ol óziniń jumysy úshin qomaqty soma suraidy.
Aqshany alǵannan keiin er adam belgisiz baǵytta jasyrynǵan. Qolyndaǵy qarajatty óz qajetine paidalandy.
«Jedel izdestirý barysynda 30 jastaǵy Almaty oblysynyń týmasy ustaldy. Qazir kúdiktige qatysty 10 alaiaqtyq faktisi dáleldendi. Sonymen qatar jábirlenýshiler tek Almatydan ǵana emes, Qazaqstannyń basqa da qalalarynan júgindi. Bul fakt sotqa deiingi tergeýdiń biryńǵai tiziliminde 190-bap boiynsha tirkeldi», – dedi Almaly aýdandyq politsiia basqarmasynyń bastyǵy Esen Ysqaqov.
Kúdikti qazir ýaqytsha ustaý izoliatorynda otyr. Politseiler aldanǵan adamnyń kóp ekenine senimdi.
«Ustalǵan adamnyń sýretine muqiiat qaraýyńyzdy suraimyz. Osy er adamnyń áreketinen zardap shekken adamdardy myna telefondarǵa habarlasýlaryn suraimyz: 8-708-707-9202; 8-705-771-1371; 8-705-555-7763, – dedi Esen Ysqaqov.
