الماتىدا 30 جاستاعى ەر ادام نەسيە تاريحى ناشار ازاماتتاردى الدادى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸنٸڭ مەلٸمەتٸنشە, قازاقستان رەسپۋبليكاسىنىڭ بٷكٸل اۋماعىندا وننان استام جەبٸرلەنۋشٸ الاياقتىق تۋرالى ارىزبەن پوليتسيياعا جٷگٸندٸ.
تەرتٸپ ساقشىلارىنىڭ اقپاراتىنا سەيكەس, ا. ەسٸمدٸ جٸگٸت نەسيە تاريحى ناشار ادامدارعا بۇل مەسەلەنٸ «شەشٸپ بەرۋدٸ» ۇسىنعان.
ول ٶزٸنٸڭ جۇمىسى ٷشٸن قوماقتى سوما سۇرايدى.
اقشانى العاننان كەيٸن ەر ادام بەلگٸسٸز باعىتتا جاسىرىنعان. قولىنداعى قاراجاتتى ٶز قاجەتٸنە پايدالاندى.
«جەدەل ٸزدەستٸرۋ بارىسىندا 30 جاستاعى الماتى وبلىسىنىڭ تۋماسى ۇستالدى. قازٸر كٷدٸكتٸگە قاتىستى 10 الاياقتىق فاكتٸسٸ دەلەلدەندٸ. سونىمەن قاتار جەبٸرلەنۋشٸلەر تەك الماتىدان عانا ەمەس, قازاقستاننىڭ باسقا دا قالالارىنان جٷگٸندٸ. بۇل فاكت سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸندە 190-باپ بويىنشا تٸركەلدٸ», – دەدٸ المالى اۋداندىق پوليتسييا باسقارماسىنىڭ باستىعى ەسەن ىسقاقوۆ.
كٷدٸكتٸ قازٸر ۋاقىتشا ۇستاۋ يزولياتورىندا وتىر. پوليتسەيلەر الدانعان ادامنىڭ كٶپ ەكەنٸنە سەنٸمدٸ.
«ۇستالعان ادامنىڭ سۋرەتٸنە مۇقييات قاراۋىڭىزدى سۇرايمىز. وسى ەر ادامنىڭ ەرەكەتٸنەن زارداپ شەككەن ادامداردى مىنا تەلەفوندارعا حابارلاسۋلارىن سۇرايمىز: 8-708-707-9202; 8-705-771-1371; 8-705-555-7763, – دەدٸ ەسەن ىسقاقوۆ.
