Bas prokýratýranyń quqyqtyq statistika jáne esep komitetiniń málimeti boiynsha Almatyda qylmys deńgeii 2010 jyldan beri tórt ese artqan. Qalalyq qoǵamdyq keńes tóraǵasy Rahman Alshanovtyń paiymynsha onyń ózindik sebebi bar, dep habarlaidy Baq.kz tilshisi.
«Birinshiden 10 jyl ishinde bizdiń qala geografiialyq turǵyda ósti. 2008 jyly qalada jańa Alataý aýdany, al 4 jyl buryn Naýryzbai aýdany paida boldy. Halyq sany shamamen eki ese artty. Ekinshiden Esepke alý ádistemesi de ózgerdi. Iaǵni, 2014 jyly jańa qylmystyq kodeks kúshine endi jáne qylmysty elektrondy tirkeý engizildi. Búginde bul qalai jumys isteidi? Sotqa deiingi tergeýdiń biryńǵai reestri engizildi, oǵan qylmystyń san alýan túri engiziledi. Bul respýblika boiynsha engizildi. Osydan qylmystyń óskeni kórinip tur jáne de barsha óńirdegi jaǵdai osyndai. Úshinshiden, megapolis bolǵandyqtan oǵan kelýshiler de kóp, sondyqtan da ishki kóshi-qondy eskergen jón» - dep túsindirdi Alshanov.
Esterińizge sala keteiik, búginde Qoǵamdyq keńes alańynda Almaty qalasynyń qaýipsizdigin jaqsartý boiynsha tyńdaý ótýde.
