Almatyda naýryz aiynyń sońǵy on kúni jyly jáne jaýyn-shashyndy bolady. Qazgidromet naýryz aiyna konsýltativtik boljam jasady, dep habarlaidy QazAqparat.
Sinoptikterdiń boljamynsha, kóktemniń alǵashqy aiyndaǵy ortasha temperatýra +5 gradýs bolady, bul klimattyq normadan 2 gradýsqa joǵary.
«Birinshi onkúndikte túnde aýa temperatýrasynyń aýytqýy boldy -3-8°S-tan -3+2°S-qa deiin, kúndiz +4+9°S-tan +9+14°S-qa deiin.
Ekinshi onkúndikte aýa temperatýrasynyń joǵarylaýy boljanýda túnde -3+2°S-tan +2+7°S-qa deiin, kúndiz +9+14°S-tan +14+19°S-qa deiin. Keiin aýa temperatýrasy túnde -7-12°S, kúndiz +4+9°S deiin tómendeidi.
Úshinshi onkúndikte aýa temperatýrasynyń joǵarylaýy kútilýde túnde -2+3°S, kúndiz +12+17°S deiin. Sodan keiin temperatýra tómendeidi túnde -2-7°S, kúndiz +7+12°C deiin tómendeidi», - dedi «Qazgidromet» RMK Almaty qalasy boiynsha filialynyń meteorologiialyq boljamdar bóliminiń basshysy Dáýlet Qisebaev.
Almatyda naýryz aiynyń sońynda kún jylynady. Aýa temperatýrasy túnde +1+6°S, kúndiz +13+18°S deiin kóteriledi.
«Osy aidaǵy jaýyn-shashyn normaǵa sáikes bolady dep kútilýde (norma: 76 mm). Kei kúnderi jel soǵady, onyń ekpini 15-20 m/s. Naýryz aiynda jii tuman túsedi. Jalpy, kóktemniń alǵashqy aiy jyly jáne jaýyn- shashyndy bolady dep kútilýde», - dep qorytyndylady «Qazgidromet» RMK ókili.
