Almaty ákiminiń orynbasary Erjan Babaqumarov qalada virýs juqtyrǵandar sany kúrt óskenin málim etti, dep habarlaidy "Ult aqparat".
«Almatyda virýs juqtyrǵandardyń 33%-y 65 jastan asqan adamdar qurap otyr, sondyqtan egde jastaǵylar arasynda ólim joǵary. Bul indetke qarsy dári men vaktsina áli joq. Keibir derekter boiynsha virýs mýtatsiiaǵa ushyraǵan. Sondyqtan qart kisilerdi úide otyrýǵa shaqyramyz», – deidi Erjan Babaqumarov.
Onyń aitýynsha, naýqastardyń 44 paiyzy indetti kásiporyndar men mekemede juqtyrǵan.
«Bul jaǵdaida maska rejimin saqtap, jeke bastyń gigienasyna nazar aýdarý qajet. Oǵan qosa mekeme basshylary da sanitarlyq-epidemialogiialyq talaptardy ustanyp, virýs juqtyrǵan qyzmetkerlerin jumysqa jibermeýleri kerek», – deidi ol.
Almaty ákimi orynbasarynyń aitýynsha, naýqastardyń 18% -y virýsty úidiń kireberisinde juqtyrǵan.
«Sol sebepti páter ieleri kooperativteri ár úidiń kireberisine dezinfektsiia jasaýy qajet. Bul jumystar virýs juqtyrmas úshin kerek. Qazirgi tańda virýs juqtyrǵandardyń 18 paiyzy úidiń kireberisi men liftide juqtyrǵany anyqtaldy. Esik tutqalary men qorshaýlardy kúnine birneshe ret óńdep otyrý kerek. Sanitarlyq-gigienalyq rejimdi ustanǵan jón», – dep atap ótti Babaqumarov.
