Almatyda jańadan týǵan sábilerdi satqandar ustaldy, - dep habarlaidy Tengrinews.kz agenttigi Ishki ister ministrligine silteme jasap.
Politsiia málimetinshe, qalada balalardyń týý týraly kýáligin daiyndaýmen, balasynan bas tartýǵa daiyn júkti áielderdi jáne balasy joq otbasylardy izdeýmen ainalysqan qylmystyq top anyqtalǵan. Top quramynda AHAJ bóliminiń qyzmetkerleri de bolǵan.
"Kelisimshart somasy 1-2 million teńge aralyǵynda bolǵan. Jalǵan qujat jáne anyqtama 700 teńgege satylǵan. Búginde alty bala saýdasyna qatysy bar adamdar anyqtaldy", - dedi IIM uiymdasqan qylmysqa qarsy kúres departamentiniń basshysy Qanat Nurmaǵambetov.
Saýdagerler men satyp alýshylar Qazaqstannyń ártúrli qalasynda turǵan. Politseiler tergeý júrgizip jatyr. Bes kúdikti ustaldy, onyń bári qamaýǵa alyndy.
