Almatyda muǵalimder Jańa jyldyq otyrystan bas tartyp, muqtaj otbasylarǵa kómektesýge bel sheshti, dep habarlaidy "Ult aqparat".
Jetisý aýdanynyń 21 mektep direktory men 22 balabaqsha meńgerýshisi jańajyldyq keshten bas tartty. Muǵalimder bul qarajatty qaiyrymdylyq maqsatta jumsamaq.
Muqtaj otbasylarǵa azyq-túlik pen kiim-keshek taratý josparda bar.
«Bul bastamany kótergen aýdan ákimdiginiń basshysy bolatyn. Jetisý aýdanynda muqtaj otbasylar óte kóp. Bul joly múmkindigi shekteýli balalardyń otbasyna kómek berýge basa nazar aýdarylyp otyr. Balalarǵa qysqy syrt kiim, jyly aiaq kiim, azyq-túlik kárzeńkesi beriledi. Sonymen qatar, #137 mektep oqýshysynyń omyrtqasyna ota jasaý úshin qarajat beriledi», - dedi Jetisý aýdany bilim bóliminiń basshysy Saltanat Qusaiynova.
Onyń aitýynsha, bolashaqta muǵalimder bul bastamany qaiyrymdylyq estafetasyna ainaldyrmaq.
Aita keteiik, buǵan deiin Jetisý aýdanynyń 2019 jylǵy túlekteri arnaiy kesh jasaýdan bas tartyp, jinalǵan qarajatty qaiyrymdylyq sharalaryna jumsaǵan bolatyn.
