الماتىدا مۇعالٸمدەر جاڭا جىلدىق وتىرىستان باس تارتىپ, مۇقتاج وتباسىلارعا كٶمەكتەسۋگە بەل شەشتٸ, دەپ حابارلايدى "ۇلت اقپارات".
جەتٸسۋ اۋدانىنىڭ 21 مەكتەپ ديرەكتورى مەن 22 بالاباقشا مەڭگەرۋشٸسٸ جاڭاجىلدىق كەشتەن باس تارتتى. مۇعالٸمدەر بۇل قاراجاتتى قايىرىمدىلىق ماقساتتا جۇمساماق.
مۇقتاج وتباسىلارعا ازىق-تٷلٸك پەن كيٸم-كەشەك تاراتۋ جوسپاردا بار.
«بۇل باستامانى كٶتەرگەن اۋدان ەكٸمدٸگٸنٸڭ باسشىسى بولاتىن. جەتٸسۋ اۋدانىندا مۇقتاج وتباسىلار ٶتە كٶپ. بۇل جولى مٷمكٸندٸگٸ شەكتەۋلٸ بالالاردىڭ وتباسىنا كٶمەك بەرۋگە باسا نازار اۋدارىلىپ وتىر. بالالارعا قىسقى سىرت كيٸم, جىلى اياق كيٸم, ازىق-تٷلٸك كەرزەڭكەسٸ بەرٸلەدٸ. سونىمەن قاتار, #137 مەكتەپ وقۋشىسىنىڭ ومىرتقاسىنا وتا جاساۋ ٷشٸن قاراجات بەرٸلەدٸ», - دەدٸ جەتٸسۋ اۋدانى بٸلٸم بٶلٸمٸنٸڭ باسشىسى سالتانات قۇسايىنوۆا.
ونىڭ ايتۋىنشا, بولاشاقتا مۇعالٸمدەر بۇل باستامانى قايىرىمدىلىق ەستافەتاسىنا اينالدىرماق.
ايتا كەتەيٸك, بۇعان دەيٸن جەتٸسۋ اۋدانىنىڭ 2019 جىلعى تٷلەكتەرٸ ارنايى كەش جاساۋدان باس تارتىپ, جينالعان قاراجاتتى قايىرىمدىلىق شارالارىنا جۇمساعان بولاتىن.
