Almaty qalasy ákiminiń orynbasary Erjan Babaqumarov qalada kásipkerlik nysandarynyń jáne jeke tulǵalardyń sanitarlyq-epidemiialyq qaýipsizdik talaptaryn saqtaýyn baqylaityn monitoring toptarynyń jumysyn kúsheitý máseleleri boiynsha keńes ótkizdi, dep habarlaidy "Ult aqparat".
Almaty qalasy ákimniń orynbasary Erjan Babaqumarov Sanitarlyq-epidemiologiialyq baqylaý departamentiniń basshysy, Almaty qalasynyń Bas memlekettik sanitar dárigeri Jandarbek Bekshinmen birlesip, megapoliste koronavirýs infektsiiasyn juqtyrýdyń kúrt ósýine bailanysty monitoringtik toptardyń jumysyn uiymdastyrý máseleleri boiynsha onlain formatta jumys keńesin ótkizdi. Keńeske qala aýdandarynyń ákimderi, qoǵamdyq densaýlyq, kásipkerlik jáne investitsiialar basqarmalarynyń basshylyǵy qatysty.
Búgingi tańda Almatyda koronavirýs infektsiiasyn juqtyrýdyń 20 111 jaǵdaiy tirkelgen, bul rette sońǵy táýliktiń ózinde juqtyrýdyń 131 faktisi tirkelgen. 2020 jylǵy jeltoqsan aiynyń birinshi onkúndigimen salystyrǵanda koronavirýs infektsiia boiynsha syrqattanýshylyqtyń 1,7 ese ósýi tirkeldi. 2021 jyldyń 1 qańtarynan bastap ortasha eseppen 100-den 130-ǵa deiin jaǵdai tirkeledi.Eń kóp aýyrǵandar 20-39 jas aralyǵynda baiqalady - 35%, 40-59 jas aralyǵynda - 31%. Negizgi juqtyrý oryndary qoǵamdyq oryndar (saýda, qoǵamdyq tamaqtaný nysandary) - 41%.
2020 jyldyń 8 qazany men osy jyldyń 14 qańtaryna deiin 832 is-shara ótkizildi, onyń barysynda 6971 nysan qamtyldy. Tekserý qorytyndysy boiynsha 1168 (17%) nysanda karantindik sharalardyń buzylýy anyqtaldy. QR ÁQBtK 425 – baby 1-bóligi shekteý is-sharalaryn saqtamaǵany úshin barlyǵy 1014 ákimshilik quqyq buzýshylyq týraly hattama jasaldy: zańdy tulǵalarǵa-77 779 140 teńge somasyna 287; jeke tulǵalarǵa qatysty betperde rejimin buzǵany úshin QR ÁQBtK 425-baby 1-bóligi boiynsha 30 294 090 somasyna 727 ákimshilik quqyq buzýshylyq týraly hattama jasaldy.
Sonymen qatar, 20 material sotqa joldandy. Bir aptada 8-14 qańtar aralyǵynda 52 is-shara ótkizilip, 476 nysan qamtyldy.
Epidemiologiialyq jaǵdaidyń odan ári ýshyǵýyna jol bermeý maqsatynda qala ákiminiń orynbasary Erjan Babaqumarov aýdan ákimdikteri janyndaǵy monitoringtik toptarǵa juqtyrý qaýpi joǵary jerlerde, onyń ishinde saýda ortalyqtarynda, bazarlarda tekserý is-sharalaryn kúsheitýdi tapsyrdy.
Qoǵamdyq tamaqtaný uiymdary qataryndaǵy shekteý sharalaryn «qasaqana buzýshylar» erekshe baqylaýda. Búgingi tańda Almaty qalasynyń mamandandyrylǵan soty kásipkerlerdiń 16 nysanyna ákimshilik aiyppul salý jáne qyzmetin toqtatý týraly sheshim shyǵardy. Bul jumys jalǵasýda.
Qalanyń Kásipkerlik jáne investitsiialar basqarmasy óz kezeginde túsindirý jumystaryn júrgizetin bolady.
Erjan Babaqumarov kásipkerlik sýbektileriniń sanitarlyq-epidemiialyq qaýipsizdik sharalaryn saqtamaýy qyzmetti toqtatýdan basqa kelýshiler men personal qyzmetkerleriniń jappai juqtyrýyna ákelýi múmkin ekenin atap ótti. Almaty ákimdigi menshik nysanyna qaramastan kásipkerlik sýbektilerinen, sondai-aq megapolis turǵyndary men qonaqtarynan sanitarlyq-epidemiialyq qaýipsizdik sharalaryn buzbaýdy suraidy.
Biznes sýbektileri, ásirese saýda-oiyn-saýyq ortalyqtary, saýda úileri, azyq-túliktik emes dúkender qalanyń bas memlekettik sanitar dárigeriniń qaýlysymen belgilengen barlyq talaptardyń tolyq oryndalýyn qamtamasyz etýi qajet:
-qyzmetkerlerdiń barynsha qashyqtyqtan jumys isteý formatyna aýysýyn qamtamasyz etý;
- jaýapty adamǵa jumys (aýysym) bastalar aldynda bailanyssyz termometrlerdi (teplovizorlardy) paidalana otyryp, qaǵazǵa nemese elektrondyq tasyǵyshtarda tirkei otyryp, personaldyń kún saiynǵy termometriiasyn júrgizý);
- respiratorlyq infektsiianyń kez kelgen belgileri (qyzba, jótel, tamaqtyń aýyrýy, tynys alýdyń qiyndaýy) bar qyzmetkerlerdi jumysqa kelýin boldyrmaý, simptomdar anyqtalǵan nemese paida bolǵan jaǵdaida jedel meditsinalyq járdem brigadasyn shaqyrý qajet;
- personaldy qoldy óńdeýge arnalǵan bir rettik meditsinalyq betperdelermen, bir rettik qolǵaptarmen, teri antiseptikteriniń qorymen qamtamasyz etý.
- saýda zaldarynda, kassa aimaǵynda kórinetin jáne qoljetimdi jerlerde, nysanǵa kireberiste qoldy dezinfektsiialaýǵa arnalǵan sanitaizerlerdiń ornatylýyn qarastyrý, koronavirýs infektsiiasynyń aldyn alý boiynsha jadynamalardy ornalastyrý;
- kelýshilerge termometriia júrgizý;
- 4 sharshy metr alańǵa 1 adam esebinen kelýshiler sanyn shekteýdi qamtamasyz etý;
- saýda zaldaryna kirýge ruqsat áleýmettik belgi bolǵan jaǵdaida júzege asyrylady;
- ǵimarattardy dezinfektsiialaý, ǵimarattarǵa kún saiyn ylǵaldy tazalyq jumystaryn júrgizý;
COVID-19 infektsiiasynyń aldyn alý jónindegi is-sharalardy uiymdastyrýǵa jáne júzege asyrýǵa saýda nysanynyń ákimshiligi jaýapty bolady.
