Almatynyń modýldi gospitalinde josparly dezinfektsiialyq óńdeý aiaqtaldy, mekeme naýqastardy 20 qańtardan bastap qabyldaidy, dep habarlaidy "Ult aqparat".
B. Momyshuly kóshesindegi (1/55) I.Jekenova atyndaǵy «Qalalyq klinikalyq infektsiialyq aýrýhanasy» modýldik gospitali qaita taiaýda ashylady.
Jeltoqsan aiynyń basynda bastalǵan jalpy sanitarlyq-dezinfektsiialyq óńdeý aiaqtaldy. Emdeý mekemesi 20 qańtardan bastap KVI emdeý úshin qaita qabyldaýdy bastaidy.
Esterińizge sala keteiik, Modýl-1 2020 jyldyń sáýir aiynan bastap qarasha aiynyń sońyna deiin – pandemiianyń eń órshigen kezinde jumys istedi. Onda barlyǵy 3 430 naýqas emdeldi. Qazirgi ýaqytta ǵimarat, palatalar men jabdyqtar tolyq óńdelgen, barlyq parametrlerge sáikes keledi, modýlde jylý, barlyq jabdyqtar, sonyń ishinde qarqyndy terapiia jáne reanimatsiia jumys jasaýǵa ázirlengen.
Infektsiialyq aýrýhananyń modýldik gospitali 280 tósek-orynǵa arnalǵan. Ártúrli infektsiialyq aýrýy bar naýqastardy senimdi oqshaýlaýdy qamtamasyz etedi: qabyldaý-keńes berý bólimshesi kósheden jeke kiretin esigi bar 6 bokstan turady. Bólimshede diagnostikalyq jáne emdeý is-sharalaryn júrgizý múmkindigi bar: kompiýterlik tomografiia, ýltradybystyq diagnostika, beineendobronhoskopiia, elektrokardiografiia.
Aýrýhanada 28 tósek-orynǵa arnalǵan iri reanimatsiialyq bólim bar, ol saraptamalyq klastaǵy zamanaýi meditsinalyq jabdyqtarmen jáne senimdi jeldetý júiesimen jabdyqtalǵan.
Almatyda meditsinalyq uiymdardyń infektsiialyq palatalarynda barlyǵy 7 011 oryn jabdyqtalǵan.
