© Sputnik / Evgenii Biiatov
2022 jyldyń kúzinde Almatyda Reseidiń Máskeý injenerlik-fizikalyq institýtynyń (MIFI) filialy ashylady. Muny Resei Ulttyq iadrolyq zertteý ýniversitetiniń prorektory Dmitrii Savkin málimdedi. Buǵan deiin ýniversitet qazaqstandyq áriptesterimen birge úsh kúndik kelissóz júrgizdi, dep habarlaidy Sputnik Qazaqstan.
"Eki eldiń prezidenti Vladimir Pýtin men Qasym-Jomart Toqaevtyń tapsyrmasyn merziminde oryndaimyz. Ál-Farabi atyndaǵy Qazaq ulttyq ýniversitetindegi áriptesterimiz 1 qyrkúiekten bastap bizben birge iadrolyq fizika, lazerlik jáne plazmalyq tehnologiialar, atom energetikasy, nanotehnologiia salasynda joǵary bilikti mamandar daiarlaýǵa kirisýge daiyn. Keshe QazUÝ rektory Janseiit Túimebaev bizge MIFI filialy ornalasatyn keremet oqý korpýsyn kórsetti", - deidi Savkin.
Qazaqstandaǵy Rossotrýdnichestvo ókildiginiń basshysy Aleksei Koropchenko Nur-Sultandaǵy Orys úii Qazaqstanda iri reseilik joǵary oqý oryndarynyń filialdaryn qurý jónindegi jumystardy úilestirýmen ainalysatynyn aitty.
"MIFI-di alǵashqy filial dep aitýǵa bolady. Kezekte Gýbkin atyndaǵy munai jáne gaz RMÝ filialy tur. Ol Qazaqstannyń munai astanasy Atyraýda ornalasady. Nur-Sultanda Máskeý memlekettik tehnikalyq ýniversiteti – ataqty MMTÝ filialy ashylady. Osynyń bári eki el arasyndaǵy yntymaqtastyqqa jańa qýatty serpin berip, strategiialyq áriptestigimizdi nyǵaitatyny sózsiz", - dep atap ótti Koropchenko.
Buǵan deiin Qazaqstannyń bilim jáne ǵylym ministri Ashat Aimaǵambetov stýdentter eki diplom ala alatynyn habarlady. Al qazaqstandyq diplom álemniń barlyq derlik elinde jaramdy.
Al MIFI filialynda Qazaqstanda salynýy múmkin bolashaq atom elektr stantsiiasy úshin kadrlar daiarlanady. Qazaqstanda tehnikalyq kadrlardy daiarlaý qajet ekenin buǵan deiin Qazaqstan prezidenti Qasym-Jomart Toqaev aitty.
