Almatynyń monitoringilik toptary bir túnde karantin sharasyn buzǵan 6 nysandy anyqtady, dep habarlaidy "Ult aqparat".
17 qarashada Almaty qalasy boiynsha monitoring toptary karantindik sharalardyń saqtalýyn baqylaý maqsatynda 27 nysanǵa tekserý júrgizdi. Erejeni buzǵan 6 nysan anyqtaldy.
Almaly aýdanynyń monitoringilik toby Seifýllin dańǵyly 483 mekenjaiyndaǵy «Mega Park» saýda ortalyǵynda korei meiramhanasynyń 22.00-den keiin jumys istegenin anyqtady.
Bostandyq aýdanynda zań buzǵan tórt nysan anyqtaldy:
- Mustafin kóshesi 56/1 mekenjaiy boiynsha «CTR Chiken Almaty» tez tamaqtaný dámhanasy — 22.00 keiin jumys rejiminiń buzylýy;
- Mustafin kóshesi 56/8 mekenjaiy boiynsha «Red Dragon» fastfýd ónimderiniń dúkenderi men dúńgirshekter jelisi — 22.00 keiin jumys rejiminiń buzylýy;
- Mustafin kóshesi 56/2 mekenjaiy boiynsha «Salam bro» tez tamaqtanýdyń dámhanalar jáne dúńgirshekter jelisi — 22.00 keiin jumys rejiminiń buzylýy;
- Naýryzbai batyr kóshesi 125 mekenjaiy boiynsha «Playstation» oiyn klýby — nysan tyiym salynǵanyna qaramastan qyzmet etken.
Medeý aýdanynda «Dostyq dańǵyly, 87a» mekenjaiyndaǵy «Venezia» meiramhanasynda saǵat 22.00-den keiin jumys rejiminiń buzylýy anyqtaldy.
Zańdy tulǵalarǵa qatysty anyqtalǵan buzýshylyqtar boiynsha QR ÁQBtK-niń 425-babynyń 1-bóligine sáikes sharalar qabyldanatyn bolady.
Ákimdik almatylyqtardy jáne qala qonaqtaryn múmkindiginshe adamdar kóp jinalatyn oryndarǵa, ásirese megapolistiń bas memlekettik sanitar dárigeriniń qaýlysyn buzyp, qyzmetin jalǵastyryp kele jatqan mekemelerge barýdan aýlaq bolýǵa shaqyrady.
