Almaty qalalyq Mobildilik basqarmasy basshysynyń orynbasary Ernur Abjahan metro qurylysynyń barysy týraly aityp berdi, dep habarlaidy QazAqparat.
«Qazir metropolitenniń birinshi jelisi ekinshi kezeginiń ekinshi iske qosý keshenin salý jumystary jalǵasýda. Ol «Dostyq» jáne «Saryarqa» stantsiialaryn jáne batys baǵyttaǵy Abai dańǵyly boiymen Altynsarin dańǵylynan Momyshuly kóshesine deiingi uzyndyǵy 3,1 shaqyrym metro jelisin qamtidy. Qurylys jumystaryn aiaqtaý 2021 jyldyń sońyna josparlanǵan. Qazir jumys kestege sai júrip jatyr. Qarjylandyrý da qamtamasyz etilgen, - dedi ol.
Biyl sondai-aq metronyń úshinshi iske qosý kesheniniń qurylysy bastaldy. Ol - Abai dańǵyly boiynan Iasaýi kóshesinen Áshimov kóshesine deiin. Sonymen qatar Qalqaman shaǵynaýdanynda Áshimov kóshesiniń boiymen soltústik baǵytta, uzyndyǵy 2,4 shaqyrym, iaǵni, «Dostyq» – «Qalqaman» jelisi qarastyrylǵan.
«Úshinshi iske qosý kesheniniń qurylysy endi bastaldy. Jumystar úsh jylǵa josparlanǵan. Ol jerde Qarǵaly ózeni arqyly ótetin tonnelderdiń ýchaskesi bar. Sol jerde bekitý jumystary júrgizilýde. Odan bólek, jeldetkish uńǵyma qarastyrylǵan. Mine, osylar boiynsha jumystar bastaldy», - deidi Ernur Abjahan.
