الماتى قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ابجاحان مەترو قۇرىلىسىنىڭ بارىسى تۋرالى ايتىپ بەردٸ, دەپ حابارلايدى قازاقپارات.
«قازٸر مەتروپوليتەننٸڭ بٸرٸنشٸ جەلٸسٸ ەكٸنشٸ كەزەگٸنٸڭ ەكٸنشٸ ٸسكە قوسۋ كەشەنٸن سالۋ جۇمىستارى جالعاسۋدا. ول «دوستىق» جەنە «سارىارقا» ستانتسييالارىن جەنە باتىس باعىتتاعى اباي داڭعىلى بويىمەن التىنسارين داڭعىلىنان مومىشۇلى كٶشەسٸنە دەيٸنگٸ ۇزىندىعى 3,1 شاقىرىم مەترو جەلٸسٸن قامتيدى. قۇرىلىس جۇمىستارىن اياقتاۋ 2021 جىلدىڭ سوڭىنا جوسپارلانعان. قازٸر جۇمىس كەستەگە ساي جٷرٸپ جاتىر. قارجىلاندىرۋ دا قامتاماسىز ەتٸلگەن, - دەدٸ ول.
بيىل سونداي-اق مەترونىڭ ٷشٸنشٸ ٸسكە قوسۋ كەشەنٸنٸڭ قۇرىلىسى باستالدى. ول - اباي داڭعىلى بويىنان ياساۋي كٶشەسٸنەن ەشٸموۆ كٶشەسٸنە دەيٸن. سونىمەن قاتار قالقامان شاعىناۋدانىندا ەشٸموۆ كٶشەسٸنٸڭ بويىمەن سولتٷستٸك باعىتتا, ۇزىندىعى 2,4 شاقىرىم, ياعني, «دوستىق» – «قالقامان» جەلٸسٸ قاراستىرىلعان.
«ٷشٸنشٸ ٸسكە قوسۋ كەشەنٸنٸڭ قۇرىلىسى ەندٸ باستالدى. جۇمىستار ٷش جىلعا جوسپارلانعان. ول جەردە قارعالى ٶزەنٸ ارقىلى ٶتەتٸن توننەلدەردٸڭ ۋچاسكەسٸ بار. سول جەردە بەكٸتۋ جۇمىستارى جٷرگٸزٸلۋدە. ودان بٶلەك, جەلدەتكٸش ۇڭعىما قاراستىرىلعان. مٸنە, وسىلار بويىنشا جۇمىستار باستالدى», - دەيدٸ ەرنۇر ابجاحان.
