Almaty qalasynyń Naýryzbai aýdanyna qarasty «Nurly dala» turǵyn úi kesheniniń turǵyndary sýyq sýsyz otyr, dep habarlaidy QazAqparat.
«Ótken aptada 4 kún sý bolǵan joq. Osy aptada ekinshi kúnge ketti. «Almaty Sý»-da bir jaýap «Jeliler kommýnaldyq menshikke berilmegen» deidi. Al jeke menshik ieleri bolsa, oilaryna kelgenin isteidi. Endi ne isteimiz? Ákimdik qyzmetkerlerinen eshqandai kómek bolmai ma? Ishetin sý joq. Ystyq sýmen jýyna almaisyń. Memlekettik baǵdarlamamen turǵyn úi salyp, keiin nege mazaq etedi?», - delingen Facebook-tegi jazbada.
Atalǵan másele boiynsha Naýryzbai aýdanynyń ákimdigi jaýap berdi.
«Nurly Dala» turǵyn úi kesheninde sýyq sýdyń bolmaýy d=600mm sý qubyrynyń magistraldy jelisinen sýdyń ketkeninen boldy. Qazirgi ýaqytta apatty joiý jumystaryn «Almatyinjstroi» AQ merdigerlik uiymy júrgizýde, sebebi bul nysannyń kepildik merzimi bar. Ýaqytsha qolaisyzdyqtar úshin keshirim suraimyz. Ótinish úshin rahmet»,- dep jaýap berdi ákimdik.
