الماتى قالاسىنىڭ ناۋرىزباي اۋدانىنا قاراستى «نۇرلى دالا» تۇرعىن ٷي كەشەنٸنٸڭ تۇرعىندارى سۋىق سۋسىز وتىر, دەپ حابارلايدى قازاقپارات.
«ٶتكەن اپتادا 4 كٷن سۋ بولعان جوق. وسى اپتادا ەكٸنشٸ كٷنگە كەتتٸ. «الماتى سۋ»-دا بٸر جاۋاپ «جەلٸلەر كوممۋنالدىق مەنشٸككە بەرٸلمەگەن» دەيدٸ. ال جەكە مەنشٸك يەلەرٸ بولسا, ويلارىنا كەلگەنٸن ٸستەيدٸ. ەندٸ نە ٸستەيمٸز? ەكٸمدٸك قىزمەتكەرلەرٸنەن ەشقانداي كٶمەك بولماي ما? ٸشەتٸن سۋ جوق. ىستىق سۋمەن جۋىنا المايسىڭ. مەملەكەتتٸك باعدارلامامەن تۇرعىن ٷي سالىپ, كەيٸن نەگە مازاق ەتەدٸ?», - دەلٸنگەن Facebook-تەگٸ جازبادا.
اتالعان مەسەلە بويىنشا ناۋرىزباي اۋدانىنىڭ ەكٸمدٸگٸ جاۋاپ بەردٸ.
«نۇرلى دالا» تۇرعىن ٷي كەشەنٸندە سۋىق سۋدىڭ بولماۋى d=600مم سۋ قۇبىرىنىڭ ماگيسترالدى جەلٸسٸنەن سۋدىڭ كەتكەنٸنەن بولدى. قازٸرگٸ ۋاقىتتا اپاتتى جويۋ جۇمىستارىن «الماتىينجستروي» اق مەردٸگەرلٸك ۇيىمى جٷرگٸزۋدە, سەبەبٸ بۇل نىساننىڭ كەپٸلدٸك مەرزٸمٸ بار. ۋاقىتشا قولايسىزدىقتار ٷشٸن كەشٸرٸم سۇرايمىز. ٶتٸنٸش ٷشٸن راحمەت»,- دەپ جاۋاپ بەردٸ ەكٸمدٸك.
