Almaty oblysyndaǵy mektepterdiń biriniń túlekteri Almatydaǵy Prezident saiabaǵynda tóbeles shyǵardy, - dep habarlaidy Tengrinews.kz tilshisi.
Tóbelestiń videosy Instagram jelisindegi kris_p_almaty paraqshasynda paida boldy.
Almaty IID mamandarynyń aitýynsha, janjal sol jerde sheshildi.
"Tóbelestiń Almaty oblysy Qarasai aýdanyndaǵy mektepterdiń biriniń synyptastary arasynda bolǵany anyqtaldy. Janjal muǵalimderdiń, synyp jetekshileriniń jáne sol mańda qoǵamdyq tártipti baqylap júrgen iývenaldyq politsiia qyzmetkerleriniń kómegimen sol jerde sheshildi. Jasóspirimder bir-birine taǵar aiyptarynyń joq ekenin aitty. Oqýshylardy qarap júrý boiynsha muǵalimdermen de jumystar atqaryldy", - dedi Almaty IID resmi ókili Saltanat Ázirbek.
Onyń aitýynsha, keshe 2 myńnan asa politsei mektepterdiń mańynda júrip, keshke saiabaqtar men gúl baqtarda kezekshilik atqarǵan.
