Foto: Pexels.com
Almaty qalasynyń Medeý aýdandyq soty «Qazaq dermatologiia jáne juqpaly aýrýlar ǵylymi ortalyǵynyń» direktory Baiserkin B., onyń orynbasary Ábishev A. jáne «Halyqaralyq joǵary oqý ornynan keiingi bilim berý institýtynyń» direktory Tolemisova A.-ǵa qatysty úkim shyǵardy, dep habarlaidy Ult.kz.
Tergeý málimetteri boiynsha, Baiserkin orynbasary Ábishevtiń kómegimen kásipker Tolemisovadan meditsinalyq qyzmetkerlerdiń biliktiligin arttyrý jónindegi konsortsiým aiasynda kedergisiz jumys isteý úshin 5 million teńge para alǵan.
Sot úkimimen Baiserkin men Ábishev árqaisysy 4 jylǵa bas bostandyǵynan aiyryldy. Al Tólemisova para bergeni úshin 3 jylǵa sottaldy. Sondai-aq, úsheýi de memlekettik jáne kvazimemlekettik sektorda qyzmet etý quqyǵynan ómir boiyna aiyryldy.
Sot úkimi ázirge zańdy kúshine engen joq.
