Almatyda «RadioMM» Mediametriks KZ qoǵamdyq radiosynyń stýdiiasyn tonap ketti, dep habarlaidy "Ult aqparat".
Qylmysker stýdiiaǵa tańǵy 5-te tereze arqyly kirgen. Kúzet dabylyn kúzetshiler estimegen syńaily. Er adam ózin túsirip jatqan kameralardy baiqamaǵan. Túngi kameralarda onyń júzi anyq túsip qalǵan.
Ury jalpy quny 2 mln teńgeniń múlkin, stýdiia jabdyqtaryn, kamera pýltterin alyp ketken. Tek mikrafondardy dalaǵa laqtyryp tastaǵan.
Radionyń basshysy, Qazaqstan internet qaýymdastyǵynyń prezidenti Shafkat Sabyrov urylardyń qasaqana tonaǵanyn boljap otyr.
«Bul ádeii istelgen qastandyq. Oǵan bireýler jol kórsetti. Men sondai qaýipten únemi esikterdi jaýyp júretinmin. Ǵimarat ákimshilerine terezege tor salýdy talap etip júrmin», - dedi Sh. Sabyrov.
Qazirgi tańda radio efiri úzilip qaldy.
«Mediametriks KZ radiosy Qazaqstandaǵy eń alǵashqy qoǵamdyq radio. Aqparat quraly azamattyq qoǵamdy damytýǵa baǵyttalǵan. Munda sarapshylar radio júrgizýshisi retinde qatysady. Kei baǵdarlamalar aldyn ala jazylyp qoiylǵan. Habar internet arqyly taratylady. Shamamyz kelgenshe 1 aptanyń ishinde efirdi qalpyna keltirýge tyrysamyz. Jan-jaqtan adamdar habarlasyp jatyr. Qarjy jinaýymyz da ǵajap emes», - dedi Sh.Sabyrov.
Sonymen qatar, Sabirov urynyń tájiribesiz bolǵanǵa uqsaitynyn aitady.
"Videokameraǵa túsip qalǵan, onyń ústine onyń ákki ury emes ekeni baiqalady. Ol qosýly turǵan kamerany ústel ústine jyljytyp qoiǵan", - deidi ol.
Saitta dybys joly (podkasty), onlain transliatsiia, Youtube arqyly video transliatsiia júrgiziledi. Mobildi qosymsha men muraǵat bar.
Qoǵamdyq radio belgili qazaqstandyq sarapshylarmen, saiasatkerlermen memleket qyzmetkerlerimen suhbat júrgizedi.
