الماتىدا «راديومم» مەديامەتريكس KZ قوعامدىق راديوسىنىڭ ستۋديياسىن توناپ كەتتٸ, دەپ حابارلايدى "ۇلت اقپارات".
قىلمىسكەر ستۋديياعا تاڭعى 5-تە تەرەزە ارقىلى كٸرگەن. كٷزەت دابىلىن كٷزەتشٸلەر ەستٸمەگەن سىڭايلى. ەر ادام ٶزٸن تٷسٸرٸپ جاتقان كامەرالاردى بايقاماعان. تٷنگٸ كامەرالاردا ونىڭ جٷزٸ انىق تٷسٸپ قالعان.
ۇرى جالپى قۇنى 2 ملن تەڭگەنٸڭ مٷلكٸن, ستۋدييا جابدىقتارىن, كامەرا پۋلتتەرٸن الىپ كەتكەن. تەك ميكرافونداردى دالاعا لاقتىرىپ تاستاعان.
راديونىڭ باسشىسى, قازاقستان ينتەرنەت قاۋىمداستىعىنىڭ پرەزيدەنتٸ شافكات سابىروۆ ۇرىلاردىڭ قاساقانا توناعانىن بولجاپ وتىر.
«بۇل ەدەيٸ ٸستەلگەن قاستاندىق. وعان بٸرەۋلەر جول كٶرسەتتٸ. مەن سونداي قاۋٸپتەن ٷنەمٸ ەسٸكتەردٸ جاۋىپ جٷرەتٸنمٸن. عيمارات ەكٸمشٸلەرٸنە تەرەزەگە تور سالۋدى تالاپ ەتٸپ جٷرمٸن», - دەدٸ ش. سابىروۆ.
قازٸرگٸ تاڭدا راديو ەفيرٸ ٷزٸلٸپ قالدى.
«مەديامەتريكس KZ راديوسى قازاقستانداعى ەڭ العاشقى قوعامدىق راديو. اقپارات قۇرالى ازاماتتىق قوعامدى دامىتۋعا باعىتتالعان. مۇندا ساراپشىلار راديو جٷرگٸزۋشٸسٸ رەتٸندە قاتىسادى. كەي باعدارلامالار الدىن الا جازىلىپ قويىلعان. حابار ينتەرنەت ارقىلى تاراتىلادى. شامامىز كەلگەنشە 1 اپتانىڭ ٸشٸندە ەفيردٸ قالپىنا كەلتٸرۋگە تىرىسامىز. جان-جاقتان ادامدار حابارلاسىپ جاتىر. قارجى جيناۋىمىز دا عاجاپ ەمەس», - دەدٸ ش.سابىروۆ.
سونىمەن قاتار, سابيروۆ ۇرىنىڭ تەجٸريبەسٸز بولعانعا ۇقسايتىنىن ايتادى.
"ۆيدەوكامەراعا تٷسٸپ قالعان, ونىڭ ٷستٸنە ونىڭ ەككٸ ۇرى ەمەس ەكەنٸ بايقالادى. ول قوسۋلى تۇرعان كامەرانى ٷستەل ٷستٸنە جىلجىتىپ قويعان", - دەيدٸ ول.
سايتتا دىبىس جولى (پودكاستى), ونلاين ترانسلياتسييا, Youtube ارقىلى ۆيدەو ترانسلياتسييا جٷرگٸزٸلەدٸ. موبيلدٸ قوسىمشا مەن مۇراعات بار.
قوعامدىق راديو بەلگٸلٸ قازاقستاندىق ساراپشىلارمەن, ساياساتكەرلەرمەن مەملەكەت قىزمەتكەرلەرٸمەن سۇحبات جٷرگٸزەدٸ.
