Foto: QR DSM
Almaty qalasynyń Ortalyq qalalyq klinikalyq aýrýhanasynda qaitys bolǵannan keiingi kóp aǵzalyq donorlyq operatsiia sátti ótti. Donor — 1962 jyly týǵan áieldiń aǵzalary birneshe naýqastyń ómirin saqtap qalýǵa múmkindik berdi, dep habarlaidy Ult.kz.
Marqumnyń týystary donor bolýǵa kelisim bergennen keiin, birden birneshe ómirlik mańyzdy aǵzalar transplantatsiialandy:
-
júrek — 1988 jyly týǵan naýqasqa;
-
baýyr — 1982 jyly týǵan naýqasqa;
-
oń búirek — 1996 jyly týǵan naýqasqa;
-
sol búirek — 2017 jyldan beri transplantatsiia kezeginde turǵan 1966 jylǵy naýqasqa;
-
móldir qabyq — 1983 jáne 1956 jyly týǵan eki adamǵa qondyryldy.
Bul kúrdeli protsesti QR Densaýlyq saqtaý ministrliginiń Respýblikalyq transplantatsiiany jáne joǵary tehnologiialyq meditsinalyq qyzmetterdi úilestirý ortalyǵy úilestirdi. Operatsiiaǵa Almatynyń jetekshi meditsinalyq mekemeleri — Kardiologiia jáne ishki aýrýlar ǵylymi-zertteý institýty,
Syzǵanov atyndaǵy Ulttyq hirýrgiia ortalyǵy jáne Ortalyq qalalyq klinikalyq aýrýhana mamandary birlese qatysty.
Dárigerler donordyń jasyna qaramastan, onyń aǵzalarynyń jaqsy jaǵdaida bolǵanyn jáne tolyqqandy jumys isteý múmkindigi bar ekenin atap ótti. Bul — jastyń ómir syilaýǵa kedergi emestigin dáleldeitin mysal.
Respýblikalyq ortalyq marqumnyń otbasyna olardyń qaiyrymdy jáne batyl sheshimi úshin alǵys bildirip, sondai-aq kópsalaly kúrdeli operatsiiany joǵary deńgeide júzege asyrǵan meditsina qyzmetkerleriniń kásibi eńbegin erekshe atap ótti.
