Foto: ashyq derekkóz
Almaty prokýratýrasy nekrofiliiaǵa kúdikti er adamǵa qatysty tergeý barysyna túsinikteme berdi, dep habarlaidy "Ult aqparat".
Almatyda nekrofiliiaǵa kúdikti azamattyń ustalǵany osy jyldyń sáýir aiynyń sońynda belgili boldy. Birneshe kúnnen keiin ádilet ministrligi jaǵdaiǵa túsinikteme berip, kúdiktiniń sot saraptama ortalyǵymen jáne onyń aýmaqtyq bólimshelerimen eńbek qatynasy joq ekenin málimdedi. Vedomstvo ókili máiithanada kúzetshiniń 2022 jáne 2023 jyldary tenderdi jeńip alǵan jeke kompaniiada jumys istegenin aitty.
Almaty prokýratýrasy 24 sáýirde “Máiitterdi qorlaý” faktisi boiynsha sotqa deiingi tergeý bastalǵanyn habarlady. Alaida qazir sotqa deiingi tergep-tekserý merzimin úzý týraly qaýly shyǵyp, tergeý toqtady.
Qylmystyq-protsestik kodeksiniń 45-babynyń 7-bóliginiń 4-tarmaǵy boiynsha kúdiktiniń psihikasynda aýytqý nemese ózge de aýyr syrqaty bar ekeni anyqtalsa, tergeý toqtaidy.
Eske salsaq, Almatyda máiithana kúzetshisi máiitterdi zorlap, ony videoǵa túsirgeni belgili bolǵan.
