Foto: pixabay.com
Memleket basshysynyń tapsyrmasymen Almatyda Mass Alert tóteshe jaǵdai týraly jedel qulaqtandyrý júiesin iske qosý jobasy júzege asyrylady.
Birinshi kezeńde – 31 mamyrdan bastap júie Android qurylǵylaryn paidalanýshylar úshin iske qosylady.
Erteń, saǵat 12:00-de Android mobildi qurylǵylardy paidalanýshylarǵa qazaq, orys jáne aǵylshyn tilinde «Alańdamańyzdar. halyqty habardar etý júiesine tekserý júrgizilýde. Ne bespokoites. Provoditsia proverka sistemy opovesheniia naseleniia. Remain calm. The public alert system is being tested», - degen habarlama kelip túsedi.
Ekinshi kezeńde iOS qurylǵysynyń paidalanýshylary júiege qosylady.
Mass Alert júiesiniń SMS-ke qaraǵanda birqatar artyqshylyǵy bar. Habarlama mobildi operator jelisine qosylǵan, sondai-aq jeke tańdalǵan geografiialyq aimaqtaǵy barlyq abonentke keledi. Sonymen qatar, júie jelilerdiń shamadan tys júktelý jaǵdaiynda jumys isteidi. Cell Broadcast tehnologiiasynyń basty artyqshylyǵy, qamtý aimaǵyndaǵy barlyq abonentti birden ári jappai eskertedi.
Sondai-aq, Mass Alert-ti Almaty TJD jer silkinisi týraly erte qulaqtandyrýdyń avtomatty júiesimen biriktirý josparlanǵan.
Buǵan deiin Vitse-premer Qanat Bozymbaev tótenshe jaǵdai týyndaǵan sátte azamattardy ýaqtyly habardar etý maqsatynda Mass Alert júiesi 1 maýsymǵa deiin pilottyq rejimde engiziletinin aitqan bolatyn.
