Almatyda tanymal Q-ror tobynyń músheleri esirtki zattaryn jasap, satty degen kúdikpen ustaldy, dep habarlaidy "Ult aqparat".
Politseiler 21-30 jas aralyǵyndaǵy 10 adamdy ustaǵan. Topty basqarǵan – 1994 jyly týǵan azamat H.
«Esirtki biznesine qarsy kúres basqarmasy qyzmetkerleri byltyr qyrkúiek aiynan beri kúdiktilerdiń birine ańdyǵan. Qolda bar jedel málimetterge sáikes, toptaǵy bir azamat birneshe aidan beri Almatyda sintetikalyq esirtkini jasaýmen jáne satýmen ainalysqan. Azamat H.-nyń jáne onyń «kómekshileriniń» qylmystyq áreketi resmi túrde qujattalǵan. Onyń ár kómekshisiniń róli naqty belgilengen. Mysaly, logistikalyq kompaniia arqyly Resei Federatsiiasynan sintetikalyq esirtki zattaryn óndirýge arnalǵan komponentterdi jetkizýge úsh adam jaýap bergen, olardyń biri – qyz bala. Eki jas jigit – kassirler, ótinimder qabyldaýǵa jaýapty boldy. Taǵy tórt er adam – esirtkini belgilengen jerge jasyrýshylar, olar ádette Naýryzbai, Bostandyq jáne Alataý aýdandarynda jumys istegen», – dedi Almaty qalalyq Politsiia departamenti bastyǵynyń orynbasary Berik Ábilbekov.
Ustalǵandardyń arasynda tanymal qazaqstandyq «Madmen» shyǵarmashylyq tobynyń músheleri de bar ekeni anyqtaldy.
«Sintetikalyq esirtkini daiyndap, satty degen kúdikpen ustalǵan 10 adamnyń 2-eýi atalǵan shyǵarmashylyq topqa qatysy bar», - dedi politsiiadan.
Sanktsiialanǵan tintýler birneshe mekenjaida júrgizildi. Esirtki zerthanasyna qajetti atribýtikanyń kóp bóligi Almaty mańynda jalǵa alynǵan úiden tabyldy. «Ustalǵandardyń aitýy boiynsha, tárkilengen zattar – «mefedron» esirtki zaty. Sot-himiialyq saraptama taǵaiyndaldy. Kúdiktiler PD ýaqytsha ustaý izoliatoryna qamaldy», – dep qorytyndylady Berik Ábilbekov.
