Erjan Babaqumarov mádeniet nysandarynyń jumysyn jańǵyrtýǵa daiyndyqty baǵalaý jónindegi monitoring tobyn qurýdy tapsyrdy, dep habarlaidy "Ult aqparat".
Almaty qalasy ákiminiń orynbasary Erjan Babaqumarov qalanyń bas memlekettik sanitar dárigeri Jandarbek Bekshin jáne qalalyq mádeniet basqarmasynyń basshysy Ernar Qurmashevpen birlesip, mádeni mekemeler jáne kásiporyn jetekshilerimen kezdesý ótkizdi. Jinalysqa respýblikalyq jáne qalalyq mádeniet jáne óner nysandarynyń basshylary, sonymen qatar jekemenshik uiym ókilderi qatysty.
Kezdesý barysynda Almaty qalasynda mádeni nysandarynyń jumysyn bastaý máselesi qaraldy. Qazir megapoliste 134 mádeni uiym, olardyń ishinde 41 respýblikalyq, 40 qalalyq, 6 vedomstvolyq jáne 47 jekemenshik uiym bar. Mádeniet salasynda barlyǵy 8500 adam jumys isteidi.
Qalalyq mádeniet basqarmasynyń aqparatyna sáikes, mádeniet nysandary úshin karantin sharalaryn jeńildetýdiń alǵashqy qadamy 2020 jyldyń 25 mamyrynda bastalady. Sol kúnnen bastap bir ýaqytta kelýshiler sany 30 adamnan aspaityn, kórermensiz, sanitarlyq-dezinfektsiialyq tártipti qatań saqtaǵan jaǵdaida jeke jáne toppen daiyndyq ótkizýge ruqsat etiledi.
Sonymen qatar, mádeniet uiymdary jetekshilerine:
- jumysty qashyqtan isteý múmkin bolsa, qyzmetkerlerdi qashyqtan jumys isteý rejimine aýystyrý;
- kireberis pen shyǵatyn jerge qoldy zalalsyzdandyrý úshin sanitaizerler ornatý;
- barlyq qyzmetkerlerge bir rettik maskalar men qolǵaptar qoldaný;
- edendi jýý jáne ústelder, sóreler, oryndyqtar, baspaldaq jaqtaýlaryn, esikti kúnine kem degende 3 ret jýyp, tazartyp, 15 minýt jeldetý;
- aqaýsyz istep turǵan jeldetý júiesimen qamtamsyz etý usynylady.
Kelýshilerdiń sany 50 paiyzdan aspaýy shart.
Buqaralyq mádeni-demalys jáne oiyn-saýyq is-sharalaryn 1 shildege deiin uiymdastyrýǵa tyiym salynady.
Almaty qalasynyń bas sanitar dárigeri Jandarbek Bekshin mádeniet nysandary basshylaryn barlyq qaýipsizdik sharalaryn qatań saqtaýǵa jáne tiisti sanitarlyq-epidemiologiialyq sharalardy júrgizýdiń mańyzdyǵyna nazar aýdarý qajettine toqtaldy. Ásirese mádeniet nysandarynyń jumysyn jańǵyrtýdyń birinshi kezeńi aiasyndaǵy áreketter algoritmine basa nazar aýdaryldy.
«Murajailar, galereialar, kinoteatrlar men basqa da mádeniet nysandaryyń jumysyndaǵy algoritmde qarastyrylǵan barlyq talaptardy saqtai otyryp, kúsheitilgen dezinfektsiialyq rejimdi qamtamasyz etý kerekpiz. Uiymdarda epidemiiaǵa qarsy sharalardyń saqtalýyn – termometriianyń júrgizilýin, jumys kezinde qolǵap pen maskanyń qoldanylýyn jáne olardyń ýaqtyly aýystyrylýyn, personal arasynda instrýktaj ótkizýdi, jýatyn dezinfektsiialyq quraldardyń bolýyn, arnaiy oryndarda jeke tamaqtanýmen qamtamasyz etilýin, jeke gigiena saqtaý úshin jaǵdaidyń jasalýyn qadaǵalaityn jaýapty adam bolýy kerek. Nysandar jeldetý júiesimen qamtylýy kerek», - dedi J.Bekshin.
Sonymen birge uiymdardyń ákimshilikterine jeke avtokóligi joq qyzmetkerlerdi úilerine jetkizýdi uiymdastyrý tapsyryldy.
Qalanyń mádeniet basqarmasyna joǵaryda atalǵan epidemiologiialyq talaptar boiynsha nysannyń daiyndyǵyna aldyn ala baǵa berý jóninde monitoring tobyn qurý tapsyryldy. Qaýipsizdik sharalary qamtamasyz etilmegen jaǵdaida nysandarǵa karantin sharalaryna daiyndyǵy týraly akt berilmeidi.
Qaýipsizdik sharalaryn saqtaýǵa basshylardyń jaýapkershiligi belgilendi.
