Almatyda Ashyq qosymshasynyń kómegimen «qyzyl» mártebesi bar 86 adamnyń ruqsat etilmegen oryndarǵa kelgeni áshkerelengen. Olardyń tizimi qalanyń Sanitarlyq-epidemiologiialyq baqylaý departamentiniń saitynda jariialandy, dep habarlaidy "Ult aqparat".
Almaty qalasy sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabylovtyń málimetine súiensek, quqyq buzýshylardyń bári 30 AEK (shamamen 87 myń teńge) kóleminde aiyppul tólegen.
«Taǵy 86 turǵynnyń «qyzyl» mártebesi bola tura qoǵamdyq oryndarǵa kelgeni anyqtaldy. Olardyń bári ákimshilik jaýapkershilikke tartylyp, 14 kúndik úi karantinin buzǵany úshin 30 AEK kóleminde aiyppul tóledi. Bul jolǵy ustalǵandardyń ishinde karantin talaptaryn ekinshi ret buzǵan eki adam bar», - dedi Sádýaqas Baiǵabylov.
