Almaty qalasy Politsiia departamenti qyzdy urlaý deregi boiynsha tergeýdiń bastalǵanyn málimdedi, - dep habarlaidy Tengrinews.kz agenttigi Polisia.kz portalyna silteme jasap.
"Búgin bizdiń bólimshege A. esimdi azamatsha kelip, aryz jazdy. Derek tirkeldi jáne tekserý júrgizilip jatyr. Sonymen qatar, qyzǵa alǵashqy is júrgizýde "kólikke óz erkimen otyrǵanyn, aýyldastaryna eshqandai shaǵymy joq ekenin aityp, ishki ister organdaryn nelikten adastyrǵany" týraly suraq qoiyldy. Ol dostaryna sengendigin aitty. Oqiǵaǵa qatysýshylar anyqtaldy, olardyń árqaisynyń áreketine túbegeili baǵa beriledi", - dedi Almaly aýdany PB bastyǵy Esen Ysqaqov.
Jábirlenýshiniń aitýynsha, qyz olarǵa senip, kólikke otyrǵan.
"Olar meni úige aparyp tastaýy kerek edi, biraq basqa baǵytqa buryldy. Osydan keiin onyń ata-anasynan meni úige qaitarsyn degen qońyraýlar túse bastady. Meni turatyn mekenjaiym boiynsha úiime ákeldi. Jalpy, men aryz jazǵym kelmedi, men tek olardan: "Meni jaiyma qaldyryńdar, men senderge tiispeimin" dedim" - dedi qyz.
Eske salaiyq, buǵan deiin áleýmettik jelide Almatyda qyz alyp qashý sátiniń videosy taraǵan bolatyn. Avtorlary - jaǵdaiǵa nemquraidy qaramaǵan almatylyqtar belgisiz er adamdar qyzdy kólikke kúshpen otyrǵyzǵanyn aitady.
