الماتى قالاسى پوليتسييا دەپارتامەنتٸ قىزدى ۇرلاۋ دەرەگٸ بويىنشا تەرگەۋدٸڭ باستالعانىن مەلٸمدەدٸ, - دەپ حابارلايدى Tengrinews.kz اگەنتتٸگٸ Polisia.kz پورتالىنا سٸلتەمە جاساپ.
"بٷگٸن بٸزدٸڭ بٶلٸمشەگە ا. ەسٸمدٸ ازاماتشا كەلٸپ, ارىز جازدى. دەرەك تٸركەلدٸ جەنە تەكسەرۋ جٷرگٸزٸلٸپ جاتىر. سونىمەن قاتار, قىزعا العاشقى ٸس جٷرگٸزۋدە "كٶلٸككە ٶز ەركٸمەن وتىرعانىن, اۋىلداستارىنا ەشقانداي شاعىمى جوق ەكەنٸن ايتىپ, ٸشكٸ ٸستەر ورگاندارىن نەلٸكتەن اداستىرعانى" تۋرالى سۇراق قويىلدى. ول دوستارىنا سەنگەندٸگٸن ايتتى. وقيعاعا قاتىسۋشىلار انىقتالدى, ولاردىڭ ەرقايسىنىڭ ەرەكەتٸنە تٷبەگەيلٸ باعا بەرٸلەدٸ", - دەدٸ المالى اۋدانى پب باستىعى ەسەن ىسقاقوۆ.
جەبٸرلەنۋشٸنٸڭ ايتۋىنشا, قىز ولارعا سەنٸپ, كٶلٸككە وتىرعان.
"ولار مەنٸ ٷيگە اپارىپ تاستاۋى كەرەك ەدٸ, بٸراق باسقا باعىتقا بۇرىلدى. وسىدان كەيٸن ونىڭ اتا-اناسىنان مەنٸ ٷيگە قايتارسىن دەگەن قوڭىراۋلار تٷسە باستادى. مەنٸ تۇراتىن مەكەنجايىم بويىنشا ٷيٸمە ەكەلدٸ. جالپى, مەن ارىز جازعىم كەلمەدٸ, مەن تەك ولاردان: "مەنٸ جايىما قالدىرىڭدار, مەن سەندەرگە تيٸسپەيمٸن" دەدٸم" - دەدٸ قىز.
ەسكە سالايىق, بۇعان دەيٸن ەلەۋمەتتٸك جەلٸدە الماتىدا قىز الىپ قاشۋ سەتٸنٸڭ ۆيدەوسى تاراعان بولاتىن. اۆتورلارى - جاعدايعا نەمقۇرايدى قاراماعان الماتىلىقتار بەلگٸسٸز ەر ادامدار قىزدى كٶلٸككە كٷشپەن وتىرعىزعانىن ايتادى.
