Foto: QR MAM
5 maýsymda Ábilhan Qasteev atyndaǵy Qazaqstan Respýblikasynyń Memlekettik óner mýzeiinde «Qytai óneriniń oi-maqsattary – Qytai Ulttyq kórkemóner mýzeiiniń jaýharlary» atty kórme ashylady, dep habarlaidy Ult.kz.
Ekspozitsiiaǵa keskindeme, grafika jáne músinniń 50-ge jýyq týyndysy engen. Bul eńbekterdi Qytaidyń HH-HHI ǵasyrdaǵy belgili sýretshileri jazǵan, olar Sieii óneriniń dástúrin jalǵap keledi.
Sheberler ózderiniń shyǵarmashylyǵynda stil, tehnika jáne materialdardyń erekshelikteri arqyly tek syrtqy beineni ǵana emes, sonymen qatar onyń ishki rýhani mánin de ashady.
2018 jyly Ábilhan Qasteev atyndaǵy Qazaqstan Respýblikasynyń Memlekettik óner mýzeii Jibek joly mýzeileri men galereialary Halyqaralyq aliansynyń quramyna kirdi. Kásibi óner uiymdaryn biriktirý bastamasy Qytai Ulttyq mýzeiine tiesili jáne qatysýshy elder arasynda mádeni yntymaqtastyq pen ózara tájiribe almasýǵa baǵyttalǵan.
«Qytai óneriniń oi-maqsattary – Qytai Ulttyq kórkemóner mýzeiiniń jaýharlary» kórme jobasy – ulttyq ónerdi nasihattaýǵa arnalǵan mańyzdy mádeni almasý baǵdarlamalarynyń bir bóligi. Beijińdegi jetekshi óner mýzeii usynǵan kórme qytai óneriniń jaýharymen tanysýǵa tamasha múmkindik beredi.
