Almatyda jol talǵamaityn qymbat kólikterdi aidap ketkender ustaldy, dep habarlaidy "Ult aqparat".
Sáýirde qala turǵyndarynan kóligin urlaǵany týraly politsiiaǵa eki aryz túsken. Kólikterdi urlaý ár ýaqytta jáne qalanyń ár jerinde bolǵan. Urlanǵan kólikter markasy men modeli birdei. Jedel-izdestirý sharalary barysynda politsiia qyzmetkerleri qala mańynan urlanǵan kólikterdi tapty.
«27-den 33 jasqa deiingi úsh kúdikti arnaiy qurylǵy kómegimen basqa adamdardyń kólikterin otaldyrǵan. Olar qalada tek «Land Cruiser 200» markaly kólikti urlaǵan. Avtokólikterdiń barlyǵyn «qara bazarda» satý maqsatynda aidap ketken. Olar bir jol talǵamaityn kólikti, nómirin almai-aq, óziniń bastapqy túrinde satyp úlgergen. Kólikti satypalýshy da anyqtaldy. Oǵan qatysty QR QK-niń 196-baby (« Kórineý qylmystyq jolmen tabylǵan múlikti iemdený nemese ótkizý «) boiynsha qylmystyq is qozǵalyp jatyr. Urlanǵan jol talǵamaityn kólikter ielerine qaitaryldy», - dedi Almaty qalalyq PD Kriminaldyq politsiia basqarmasy bastyǵynyń orynbasary Rýslan Smaǵulov.
Spikerdiń aitýynsha, kúdiktilerdiń ekeýi buryn sottalǵan.
«Qazir QR QK-niń 188-baby 4-bóligi boiynsha sotaldy tergeý amaldary júrgizilip jatyr. Olar ýaqytsha ustaý izoliatoryna qamaldy», - dedi Rýslan Smaǵulov.
