الماتىدا جول تالعامايتىن قىمبات كٶلٸكتەردٸ ايداپ كەتكەندەر ۇستالدى, دەپ حابارلايدى "ۇلت اقپارات".
سەۋٸردە قالا تۇرعىندارىنان كٶلٸگٸن ۇرلاعانى تۋرالى پوليتسيياعا ەكٸ ارىز تٷسكەن. كٶلٸكتەردٸ ۇرلاۋ ەر ۋاقىتتا جەنە قالانىڭ ەر جەرٸندە بولعان. ۇرلانعان كٶلٸكتەر ماركاسى مەن مودەلٸ بٸردەي. جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ قالا ماڭىنان ۇرلانعان كٶلٸكتەردٸ تاپتى.
«27-دەن 33 جاسقا دەيٸنگٸ ٷش كٷدٸكتٸ ارنايى قۇرىلعى كٶمەگٸمەن باسقا ادامداردىڭ كٶلٸكتەرٸن وتالدىرعان. ولار قالادا تەك «Land Cruiser 200» ماركالى كٶلٸكتٸ ۇرلاعان. اۆتوكٶلٸكتەردٸڭ بارلىعىن «قارا بازاردا» ساتۋ ماقساتىندا ايداپ كەتكەن. ولار بٸر جول تالعامايتىن كٶلٸكتٸ, نٶمٸرٸن الماي-اق, ٶزٸنٸڭ باستاپقى تٷرٸندە ساتىپ ٷلگەرگەن. كٶلٸكتٸ ساتىپالۋشى دا انىقتالدى. وعان قاتىستى قر قك-نٸڭ 196-بابى (« كٶرiنەۋ قىلمىستىق جولمەن تابىلعان مٷلiكتi يەمدەنۋ نەمەسە ٶتكٸزۋ «) بويىنشا قىلمىستىق ٸس قوزعالىپ جاتىر. ۇرلانعان جول تالعامايتىن كٶلٸكتەر يەلەرٸنە قايتارىلدى», - دەدٸ الماتى قالالىق پد كريمينالدىق پوليتسييا باسقارماسى باستىعىنىڭ ورىنباسارى رۋسلان سماعۇلوۆ.
سپيكەردٸڭ ايتۋىنشا, كٷدٸكتٸلەردٸڭ ەكەۋٸ بۇرىن سوتتالعان.
«قازٸر قر قك-نٸڭ 188-بابى 4-بٶلٸگٸ بويىنشا سوتالدى تەرگەۋ امالدارى جٷرگٸزٸلٸپ جاتىر. ولار ۋاقىتشا ۇستاۋ يزولياتورىنا قامالدى», - دەدٸ رۋسلان سماعۇلوۆ.
