Almaty qalasy politsiia departamentiniń basshysy Qanat Taimerdenov qala turǵyndarynyń aldynda esep berdi. Kezdesý onlain rejimde «Almaty» telearnasynyń efirinde ótti, dep habarlaidy QazAqparat.
Qanat Taimerdenovtyń aitýynsha, 2020 jyly qalada qylmys deńgeii 47,8 paiyzǵa tómendegen.
«2020 jyly Almaty politsiiasynyń qyzmeti Qazaqstan Respýblikasy Prezidentiniń Joldaýynyń talaptaryn júzege asyrýǵa, sondai-aq, aǵymdaǵy jyldy - profilaktika jyly dep jariialaǵan ishki ister ministriniń tapsyrmalaryn oryndaýǵa baǵyttaldy. Osylaisha, ótken jyly qabyldanǵan sharalardyń nátijesinde qalada qylmys deńgeiin 47,8, onyń ishinde aýyr jáne erekshe aýyr qylmystardy 2,5 esege azaitýǵa múmkindik týdy.Qoǵamdyq oryndarda jasalǵan qylmystar sany 4 esege azaidy. Taldaý kórsetkendei, qalada qylmystyń azaiýyna karantindik sharalardy kúsheitý, modýldik beketter qurý, patrýldik politsiia polkiniń 30% -yn jaiaý patrýlge aýystyrý sebep boldy», - dedi Almaty qalalyq Politsiia departamentiniń bastyǵy Qanat Taimerdenov tikelei efir kezinde.
Spikerdiń aitýynsha, qabyldanǵan shekteý sharalary qaladaǵy qylmystardyń negizgi bóligin syrttan kelgender jasaityndyǵyn kórsetti.
«Jalpy, departamenttiń kadrlyq jáne materialdyq-tehnikalyq áleýeti bizge júktelgen mindetterdi oidaǵydai oryndaýǵa, elimizdiń iri shaharynda zańdylyq pen tártipti tiisti deńgeide qamtamasyz etýge, sondai-aq, azamattardyń konstitýtsiialyq quqyqtaryn qorǵaýǵa múmkindik beredi», - dep túiindedi Qanat Taimerdenov.
