Foto: Ult.kz
Qazaqstan Respýblikasy Memlekettik ortalyq mýzeii «Art Dolls Collection_KZ» shyǵarmashylyq odaǵymen birlesip «Shyǵystan Batysqa deiin» kollektsiialyq qýyrshaqtar kórmesin ashty, dep habarlaidy Ult.kz.
Foto: Ult.kz
Atalǵan kórmede Shyǵys pen Batysty, olardyń mádenieti men estetikasyn, ózindik obrazdaryn biriktiretin tereń bailanys kórinis tapqan.
Foto: Ult.kz
Ǵaliia Temirton, QR Memlekettik ortalyq mýzei direktorynyń mindetin atqarýshy:
«Baiqasańyzdar, bul qýyrshaqtardyń ishinde ártúrli zaman, ártúrli dáýir, ártúrli kategoriialarda adamdardyń beinesi bolsyn, janýarlardyń beinesi bolsyn, sonyń ishinde tarihi zamandarǵa bailanysty qýyrshaqtar kóp. Onyń ishinde ózimizdiń qazaqtyń tarihyna bailanysty handardyń beineleri, batyrlardyń beineleri, qazaq halqynyń dástúrli qoǵamy kezindegi ómirden beineler kórýge bolady. Jáne árine álem halyqtarynyń tarihy bolsyn, ertegileri bolsyn, jyr-jyraýlary bolsyn, sonyń ishindegi ókilderge de bailanystyryp úlken kórinisterdi kórýge bolady».
Foto: Ult.kz
Qýyrshaq óneri elimizde jańadan damyp kele jatqan óner túri. Osyǵan qaramastan, «Art Dolls Collection_KZ» shyǵarmashylyq odaǵynyń quramyna kiretin birqatar sheberler bas qosyp, Almaty, Astana, Ridder, Jarkent qalalarynan jinalǵan 21 sheber 140 avtorlyq jumysyn osy kórmege usynyp otyr.
Foto: Ult.kz
Ǵaliia Temirton, QR Memlekettik ortalyq mýzei direktorynyń mindetin atqarýshy:
«Aita ketý kerek, bul ónerdiń Qazaqstan jerinde damyp jatqan kórinis, bul qýyrshaqtardy tek qana oiynshyq retinde kórsetý emes, bul jerde osy qýyrshaqtardyń boiynda da mádeni de, tarihi da maǵyna jatyr. Iaǵni osy qýyrshaqtardyń negizinde biz búgingi mýzeige kelýshilerge de osy qýyrshaqtarmen kórsetilgen beineler arqyly kóptegen tarihi syr men kórinisterdi kórsetip jatyrmyz. Qyzyǵýshylyq óte zor. Óitkeni bul óte bir erekshe óner. Osy ónerge berilgen adamdardyń boiyndaǵy talantymen birge, tigý, kórkemdik, qýyrshaqtardy ásemdeý, oiý órnekti bilý, túrli materialdardy qoldaný siiaqty ártúrli baǵyttardy bilip, eńbek jasaý bir qýyrshaq óneriniń aiasynda shyǵaratyn úlken óner».
Foto: Ult.kz
Kórmeniń maqsaty – almatylyqtar men qala qonaqtaryna elimizdegi talantty sheberlerdi tanystyrý. Árbir jumys biregei jáne olardy birneshe aptalar men ailar boiy jasaidy. Tynymsyz eńbek pen sheberliktiń nátijesinde dúniege kelgen bul biregei týyndylar jeke kollektsiialarda saqtalyp, álemniń túrli galereialarynda laiyqty oryndaryn taýyp keledi.
Foto: Ult.kz
«Art Dolls Collection_KZ» shyǵarmashylyq birlestiginiń kollektsiialyq qýyrshaqtar kórmesinde qýyrshaq sheberleriniń túrli tehnikada jasalǵan avtorlyq jumystary usynyldy.
Aqbota Musabekqyzy
