Foto: Almaty ákimdiginen
Almatyda Pine Hill klýb úiiniń úshinshi qabaty sot sheshimi boiynsha buzylady. Sebebi qurylys kompaniiasy ekiqabatty ǵimarat salýǵa ruqsat alyp, úsh qabat ǵimarat salyp tastaǵan, - dep habarlaidy «Ult aqparat» Massaget.kz -ke silteme jasap.
Almatynyń Qala qurylysyn baqylaý basqarmasy Ermensai sh/a, 7 burysh, 8/1 ýchaskedegi TÚK-niń úshinshi qabatyn buzýdyń bastalǵany týraly habarlady.
Tapsyrys berýshi (jeke tulǵa) eki qabatty úidiń qurylysyna ruqsat qujattaryn alǵan, biraq ol qosymsha taǵy bir qabat turǵyzǵan, bul jospardan tys tekserý barysynda anyqtaldy.
Sonyń nátijesinde menshik iesine qatysty QR ÁQBtK 316-baby 1, 462-baby 3 boiynsha ákimshilik sharalar qabyldandy.
Basqarmanyń talap-aryzy boiynsha sot talqylaýlarynyń qorytyndysyna sáikes, 2022 jyly 15 maýsymda Almaty qalalyq soty 3-qabatty buzý týraly sheshim shyǵardy.
Nysannyń qabatyn buzý búgin Ádilet departamenti sot oryndaýshylarynyń qatysýymen bastaldy. Tómengi qabattarǵa zaqym keltirmeý úshin qolmen buzylyp jatyr.
"Jer ýchaskeleriniń menshik ieleri men qurylys kompaniialaryn QR Sáýlet jáne qala qurylysy qyzmeti týraly Zańnyń jáne qurylys salýdy uiymdastyrý erejeleriniń buzylýyna jol bermeýge jáne qurylysty tek zańdy negizde bastaýǵa shaqyramyz. Olai bolmaǵan jaǵdaida sot satysynda isterdi qaraýmen jáne keiinnen buzýdyń joǵary yqtimaldyǵymen zańnama aiasynda jaýapkershilik qaýip tóndiredi", - deidi basqarma ókilderi.
