Almatyda qurylys jumystarynyń sapasyna qoiylatyn talaptar kúsheitiledi, dep habarlaidy "Ult aqparat".
Almaty ákimi Baqytjan Saǵyntaevtyń tóraǵalyǵymen ótken keńeske qurylys kompaniialarynyń jáne kásibi qaýymdastyqtyń ókilderi qatysty. Jiyn barysynda turǵyn úi qurylys salasynda qurylys merzimin saqtaý jáne jumys sapasyn arttyrý máseleleri qaraldy.
Almatyda búgingi kúni 779 qurylys nysany bar, onyń ishinde 533-i -kommertsiialyq obekt. Qalada qurylys jumystaryn barlyǵy 323 qurylys kompaniiasy men 135 tehnikalyq qadaǵalaý uiymy júzege asyrady.
Megapolistiń memlekettik sáýlet-qurylys baqylaý basqarmasy qurylys jumystarynyń sapasyna turaqty túrde monitoring jasaidy.
Monitoring nátijeleri boiynsha 2020 jyly qurylys kompaniialarynyń 80%-y jaýapkershilikke tartyldy. 69 kompaniianyń litsenziiasy alty ai merzimge toqtatyldy, 154 kompaniia ártúrli sanattaǵy qurylys litsenziialarynan aiyryldy.
Qurylys normalaryn buzǵany úshin jyl ishinde salynǵan aiyppuldardyń jalpy somasy 220,3 mln teńgeni qurady.
Negizigi olqylyqtar – jobalyq sheshimderden aýytqý jáne qurylys jumystaryn júrgizý barysynda tiisti talaptardy saqtamaý. Mine bular qurylys sapasyna keri áserlerin tigizýde.
Mysaly, qurylys óndirisin jetkiliksiz uiymdastyrý, beton jumystary tehnologiiasyn jáne qaita toltyrý tehnologiiasyn buzý, kólik jolyn qalpyna keltirmeý, qaýipsizdik sharalaryn saqtamaý, kirý jáne operatsiialyq baqylaýdyń bolmaýy, jumys kestesinen kesh qalý siiaqty faktiler anyqtaldy.
Tehnikalyq qadaǵalaý fýnktsiialaryn júzege asyrýǵa tiisti baqylaýdyń bolmaýy saldarynan 47 adam jaýapqa tartyldy, onyń 18-iniń jumystary toqtatyldy.
Baqytjan Saǵyntaev qurylys salasyn baqylaýdy kúsheitýdi jáne qurylys jumystarynyń sapasyn jaqsartý maqsatynda keshendi sharalar ázirleýdi tapsyrdy.
Usynylǵan is-sharalar mynandai: qurylys júrgizýshilerdiń senimdi reitingin qurý, turǵyn úi qurylysy salasynda tájiribesi joq kompaniialardyń qyzmetine shekteý qoiý. Sonymen qatar, tapsyrys berýshige tyiym salý jáne bekitilgen jumys jobasyna qurylys materialyna qatysty avtorlyq qadaǵalaýdyń ózgerister engizýi úshin tiisti tetikterdi qoldaný múmkindigi de qarastyrylyp jatyr.
