4 qazan kúni saǵat 19:00-de Almatyda Qurmanǵazy atyndaǵy Qazaq memlekettik akademiialyq halyq aspaptary orkestriniń kontsert zalynda qazaqtyń uly kompozitory, kúi atasy Qurmanǵazy Saǵyrbaiulynyń shyǵarmashylyǵyna arnalǵan «Baba murasy» atty kúi keshi ótedi.
Bul týraly aqparatty Mádeniet jáne sport ministrligi Facebook paraqshasynda jariialady.
«Qazaq ultynyń bai murasyn «Adai», «Balbyraýyn», «Saryarqa» jáne taǵy basqa mazmundy, áserli, tereń maǵynaly filosofiialyq kúilermen tolyqtyrǵan Qurmanǵazy Saǵyrbaiulynyń esimin bilmeitin jan joq. Halyq «Kúi atasy» dep atap ketken uly kúishiniń muralary álemdik mýzyka ónerinde qazaq sazynyń qudiretin tanyta bildi. Eki shekti aspaptan áýenge bai, rýhty shyǵarmalar týdyrǵan Qurmanǵazyny tiri kezinde kórgen qazaqtardy bylai qoiǵanda, ózge jurttyń ozyq oily ókilderi de uly kompozitordyń talantyna tánti bolǵan»,m-mdelingen habarlamada.
Atalǵan keshke Shámil Ábiltaev, Ermek Qaziev, Batyrjan Myqtybaev, Abylǵazy Ahmadiev, Edige Nabiev, Armat Islamǵaliev, Shyńǵys Qurmanqulov syndy jáne t.b. óner maitalmandary qatysady.
