Foto: globalnews.kz
Almatyda sý qubyry jaryldy, dep habarlaidy "Ult aqparat" qalalyq ákimdiktiń baspasóz qyzmetine silteme jasap.
Myńbaev kóshesi 49 mekenjaiynda sý qubyrynyń jarylýyna bailanysty saǵat 3:40-tan bastap soltústik baǵytta ornalasqan kóshelerdi, ásirese Áýezov kóshesin sý basty. Sý Raiymbek dańǵylyna deiin jetken, ol jerden aryqqa túsip jatyr.
Kóktaiǵaqtyń aldyn alý úshin Almaty tazalyq MQK qyzmetkerleri jol boiyna 18 qumsepkish kóliktiń kúshimen, trotýarlarǵa 4 tazalaýshy kólikpen kóktaiǵaqqa qarsy qum sebýge kirisken.
"Apattyń saldary búgin joiylady. Sý basqan oryndarda kóktaiǵaq jabynynyń paida bolý yqtimaldylyǵyn eskere otyryp, júrgizýshilerdi jyldamdyqty azaityp, kólik arasyndaǵy qashyqtyqty ulǵaityp, apatty jaǵdaidy týyndatpas úshin oqys áreketter jasamaýǵa, atalǵan aýmaqtardy múmkindiginshe ainalyp ótýge, jaiaý júrginshilerdi trotýarlarmen júrgende saq bolýǵa shaqyramyz", - dedi baspasóz qyzmeti ókilderi.
