فوتو: globalnews.kz
الماتىدا سۋ قۇبىرى جارىلدى, دەپ حابارلايدى "ۇلت اقپارات" قالالىق ەكٸمدٸكتٸڭ باسپاسٶز قىزمەتٸنە سٸلتەمە جاساپ.
مىڭباەۆ كٶشەسٸ 49 مەكەنجايىندا سۋ قۇبىرىنىڭ جارىلۋىنا بايلانىستى ساعات 3:40-تان باستاپ سولتٷستٸك باعىتتا ورنالاسقان كٶشەلەردٸ, ەسٸرەسە ەۋەزوۆ كٶشەسٸن سۋ باستى. سۋ رايىمبەك داڭعىلىنا دەيٸن جەتكەن, ول جەردەن ارىققا تٷسٸپ جاتىر.
كٶكتايعاقتىڭ الدىن الۋ ٷشٸن الماتى تازالىق مقك قىزمەتكەرلەرٸ جول بويىنا 18 قۇمسەپكٸش كٶلٸكتٸڭ كٷشٸمەن, تروتۋارلارعا 4 تازالاۋشى كٶلٸكپەن كٶكتايعاققا قارسى قۇم سەبۋگە كٸرٸسكەن.
"اپاتتىڭ سالدارى بٷگٸن جويىلادى. سۋ باسقان ورىنداردا كٶكتايعاق جابىنىنىڭ پايدا بولۋ ىقتيمالدىلىعىن ەسكەرە وتىرىپ, جٷرگٸزۋشٸلەردٸ جىلدامدىقتى ازايتىپ, كٶلٸك اراسىنداعى قاشىقتىقتى ۇلعايتىپ, اپاتتى جاعدايدى تۋىنداتپاس ٷشٸن وقىس ەرەكەتتەر جاساماۋعا, اتالعان اۋماقتاردى مٷمكٸندٸگٸنشە اينالىپ ٶتۋگە, جاياۋ جٷرگٸنشٸلەردٸ تروتۋارلارمەن جٷرگەندە ساق بولۋعا شاقىرامىز", - دەدٸ باسپاسٶز قىزمەتٸ ٶكٸلدەرٸ.
