Almaty qalasy máslihatynyń VII shaqyrylymynyń kezekten tys II sessiiasy ótti, dep habarlaidy "Ult aqparat".
Sessiia barysynda máslihat depýtattary Almaty qalasynyń ákimi Baqytjan Saǵyntaevtyń «Almaty qalasynyń kreativti indýstriialar basqarmasy» kommýnaldyq memlekettik mekemesin qurý týraly bastamasyn qoldady.
Aita ketý kerek, «Almaty-2050» damý strategiiasyna sáikes qala ekonomikasynda kreativti ekonomikany damytý baǵytynda qurylymdyq manevrdi júzege asyrý josparlanǵan.
Megapolis únemi oilaý qabileti ushqyr, kreativti, talantty jáne biregei adamdardy biriktiredi, al zamanaýi tsifrlyq quraldar ósý dinamikasyn arttyratyny atap ótildi.
Osy maqsatta kretivti indýstriiany damytý strategiiasy qabyldandy.
Sonymen birge, kreativti segment qalyptasýy úshin memlekettiń integrativti qoldaýy qajet, onyń mindetterine jumysty saýatty úilestirý, jan-jaqty járdemdesý jáne áleýetti júieli damytý kiredi.
Kreativti indýstriia - ekonomikany damytýdyń neǵurlym perspektivaly baǵyttarynyń biri, iri qalalardy álemdik qoǵamdastyq úshin erekshe tartymdy etetin olardyń qozǵaýshy kúshi.
Búkil álemde kreativti indýstriialar áleýeti ónerkásiptik saiasattyń ajyramas bóligine ainalýda.
Bul erekshe salalar Ulybritaniia, Qytai, Japoniia, Ońtústik Koreia, Reseide jáne basqa da kóptegen elderde memlekettik qoldaýǵa ie.
