Koronavirýs juqtyrǵan almatylyq naýqastardyń synamasyn Almaty qalasy sanitarlyq-epidemiologiialyq baqylaý departamenti mamandary tekseredi. Bul týraly qalanyń bas memlekettik sanitar dárigeri Jandarbek Bekshin málim etti, dep habarlaidy QazAqparat.
Jandarbek Bekshin buǵan deiin zertteý júrgizilgenin, onyń barysynda zertteý úshin alynǵan synamalardyń 78 paiyzynan «britandyq» shtamm anyqtalǵanyn aitty. Sondai-aq, «braziliialyq» jáne «Ońtústik Afrika» koronavirýs shtamdary da bar.
«Biz kelesi aptada 1000 synamany zertteýdi josparlap otyrmyz, mýtatsiiany anyqtaimyz. Mýtatsiialanǵan shtamm ishinen «britaniialyq», «daniialyq», «braziliialyq» jáne «Ońtústik Afrika» shtamdaryn naqty anyqtaýdy josparlap otyrmyz. Bul qozdyrǵyshtardyń ereksheligi juqpalyǵy jáne qysqa inkýbatsiialyq kezeńinde. Mýtatsiialar jas topqa baǵyttalǵan. Naýqastardyń sany naýryzda 90 paiyzǵa, al qańtarda naýqastardyń jalpy sanynyń 73 paiyzyna jetti», - dedi Jandarbek Bekshin.
